Gəncə Beynəlxalq Xəstəxanası 9 Sentyabr 2015 tarixindən fəaliyyətə başlamışdır. Beş mərtəbədən ibarət xəstəxananın ümumi sahəsi 11.887 m²-dir. Xəstəxanada ambulator və stasionar müalicə xidmətləri göstərilir. Poliklinika şöbəsi 25 kabinetdən, stasionar şöbə ümumilikdə 80 çarpayıdan, bunlardan 38-i tək nəfərlik xəstə otaqlarından (5 junior suit, 4 suit, 2 VIP) ibarətdir.
Gəncə Beynəlxalq Xəstəxanasında 27 tibbi bölmə və 50-dən çox yerli və əcnəbi konsultant mütəxəssis həkim çalışır. Xəstəxananın hər bir bölməsi müasir tibbi avadanlıq və alətlərlə təchiz edilmişdir.
Xəstəxanada dünya standartlarına uyğun tam təchiz edilmiş 6 əməliyyatxana fəaliyyət göstərir. Həmçinin 12 çarpayıdan ibarət 2 reanimasiya bölməsi (ürək-damar xəstələri üçün və ümumi reanimasiya) var.
