Ye Sona ye chandi ...........sar se chunri utaar chali re. Bhaav:- ek female solaha shingaar karti hai aur jab pati na ho to Kaya fayada shingaar ka. Usi prakaar achi aatma ke bhi solha shingaar sheel, Santosh, Daya bhaav, namrata, Vivek, sewa, daan dharam, Pooja paath, naam simran......aur agar itna hone par bhi ishwar praapti na ho to Kaya fayada is shareer (body) aur jivan ka aur in sabhi guno ka. Ghunghat mein Jale kab tak birhan se bhaav ki ghunghatroopi is shareer mein aatma kab tak us parmatma ki birha mein jalti rahe. Mai sar se chunri utaar chali re se bhaav ki ab parmatma se milan ke liye chunriroopi sharee ka tiyaag kar diya hai aur ab aatma saajan (parmatma ) se saakshatkar ke liye Jaa Rahi hai.
Tu na aa mai aa rahi hu sajan......intazaar chali re. Bhaav:- he ishwar bohat intzaar karvay. Intzaar karte karte thak gayi. Hey ishwar ( parmatma) aap to aaye nahi ab mai hi aa hi hu. Prarthana sirf itni hai ki apne paas hi rakh lena apne paas jagha de dena, dobara is dharti par mat bhejna, bohat dukh aur ashanti hai yaha par. Janam maran ke chakra mein nahi padna. Hey ishwar aapse se yehi prarthana hai ki apne paas jagha de do apne paas hi rakh lo.
Ho jaaugi mai jal jal ke mitti......chali re Bhaav:- jal jal ke mitti hone se bhaav baar janam aur marityu hona. Matlab janam lena aur marityu ke paschaat agni mein jal kar mitti hona. Baar janam maran ka chakra. Aatma keh rahi ki jab tak aapke darshan na huay ye aur aapki kirpa na hui to mai aise hi baar baar jal jal ki mitti hoti rahugi. Mujhe is chakra se mukt karo. Maine piya ko likh di hai chitthi..... Bhaav:- us piya roopi parmatma ko guhaar lagai hai prarthana ki hai. Ya chitti se bhaav prarthana aur antaraatma se parmatma se judkar prarthana karne se aur is mein bohat tadap hai. Parmatma ko paper par likh kar chitti kaise aur kaha pauchaaiy. Unse to mann se hi
Mushkil se maine ye din nikaale.......bekraar chali re. Bhaav:- mushkil se ye din nikaale ka bhaav, jivan anek prakaar ke dukh, kalesh sahe. Har pal musibaton se bhara tha, har waqt ashanti thi. Chal tez chal o gaadi Wale..... Bhaav:- yaha gaadi wala parmatma ka bheja gaya doot hai jo aatma ki lene ke liye aaya hai. Aur aatma ko parmatma se milan (saakshatkar) ki teever (tez) ishaa hai. Is liye aatma gaadi Wale ( parmatma ke doot ) ko keh rahi hai ki jaldi kar deir mat kar. Parmatma se milne lagan hai. Ho mai bekraar chali re .... Bhaav:- bekaraar is liye ki mann mein bohat se questions hai, jinka jawaab sirf parmatma ke paas hai, bohat si baatein karni hai parmatma ke saath. Bohat saari baatetn hain jo parmatma batani hain aur parmatma se Sunni hain. Is liye aatma mein gehri tadap hai parmatma se saakshatkar ki. Bekraar:- jise shaanti na ho, chain na ho, ashaant, vyakul, bekal, bechain, betaab yehi haal hai parmatma ke bina aur itni tadap hai. Ek aisi aatma jo parmatma ki chaah mein nikli hai.
Paalki mein ho ke swaar ......saajan ke dwaar chali re. Bhaav: yaha paalki se bhaav marityu shaiya matlab arthi se hai ya phir paalki us ko bhi keh sakte hai jab parmatma ka bheja gaya doot paalki lekar aata hai Divya aur achi aatma ko le jaane ke liye. Ek palki veh hai jis par log body ko le jaayege aur doosri paalki parmatma dwaara bheji gaee hai aatma ko le jaane ke liye. # Mai to apne saajan ke dwaar chali re..... Bhaav:- aatma jo khush hai ki parmatma se saakshatkar ke liye Jaa Rahi hai. Saajan se bhaav priye parmatma hai. Saajan ka dwaar us parmatma ka ghar hai, jis parmatma se alag ho kar yehi aatma marityu lok mein aai aur ab paanch tatav ka shareer tiyaag kar parmatma ke saakshatkar ke liye Jaa Rahi hai.
Koi rok sake ......mai naachti shamm shaamm... Bhaav:- jab marityu aati hai to jaane waale ko koi rok nahi sakta. Marityu atal hai aatma shareer ka tyaag karke nikal jaati hai
Aaj 15 August ko koun koun ye song sun raha h or aaj kin kin ka birthday hai or isa koi kiske sath hota h k jiske apne to hai par birthday wish krne wala koi nhi 😢😢😢😢😢😢😢😢
