Հարգելի՛ Կարոլինա Գևորգյան, շնորհակալությու՜ն Ալեքսանդր Սպենդիարյանի 150-ամյակին նվիրված այս բովանդակալից, փաստական և երաժշտական նյութով հագեցած տեսադասի, ինչպես նաև Ալեքսանդր Սպենդիարյանի տուն-թանգարանի գործունեությանը անդրադառնալու համար: Դիտարժան և ուսանելի տեսանյութ եք պատրաստել: Միայն, եթե կարելի է, թու՛յլ տվեք հայտնել մեր մի քանի նկատառումները՝ հետագա թյուրիմացությունից խուսափելու նպատակով. ա. Կլենովսկու անունը Նիկոլայ է, ոչ թե Նիկիտա, բ. կոմպոզիտոր Ցեզար Կյուի, և ո՛չ թե Կյուրի, գ. Ալեքսանդր Սպենդիարյանի տուն-թանգարանում ցուցադրվում է ոչ թե կոմպոզիտորի դիրիժորական փայտիկը, այլ վերջինիս տուփը: Եվ թերևս ամենաակնառու վրիպակը. տեսադասի ընթացքում հնչող Օրորոցայինը՝ Հայրիկ Մուրադյանի մեկնաբանությամբ, ժողովրդակա՛ն երգ է, դրա հեղինակը Ալեքսանդր Սպենդիարյանը չէ: Ռաֆայել Պատկանյանի բանաստեղծության հիման վրա Սպենդիարյանի գրած Օրորոցայինը «Արևելյան օրորոցի երգ» վերնագիրն ունի և այն կարելի է ունկնդրել տուն-թանգարանի յութուբյան ալիքում՝ հետևյալ հղումներով. ru-vid.com/video/%D0%B2%D0%B8%D0%B4%D0%B5%D0%BE--6noRhiZpIY.html, ru-vid.com/video/%D0%B2%D0%B8%D0%B4%D0%B5%D0%BE-upNRezsyR40.html և ru-vid.com/video/%D0%B2%D0%B8%D0%B4%D0%B5%D0%BE-y7qOocNMxuw.html:
