- احتزم يا نايف بـ حرً ينومسنا هداده مسلط اليا قال طال ومسلط ان صادم تولا مدحته تاخذ من الشعر النقي زاكي قناده لا نخاني جيت كلي وان نخيته ماتخلا صح لسانك يالعقيد 👏
الابيات اقبل الصبح المنير و بدد الليل و ضلامه وانتهزت الفرصه اللي ما تجيني كل ليله واحدٍ يرخي مقامه لا تنشّد عن مقامه و احدٍ هاب الصعايب لا تنشّد عن حصيله في حفل قرمٍ ينومس منهو يعد حزامه كل صعبٍ في يديه و كل علمٍ يرتكي له عبدالعزيز مطلق ' مرحبا ياضيفنا اللي فعله ابلغ من كلامه جيتك وابل مخيله ماهي بْارق مخيله جيتك معروف ماينسى وتقدير وكرامه ولو نقدم كل مانملك ماردينا الجميله مرحبا والحفل طاغي بالمعزه والشهامه والوفاء من قبل لاينساق لك بنه وهيله فيصل المطيري ' عند ابن رفاع والمجد التليد ارخى عرامه والقصيد يشوم له جزله ويكرم عن هزيله الصديق الصامل المطنوخ يامال السلامه والخوي اللي ليا كبر الحمل شال الثقيله يابوعايض وانت خذت المجد من هامه لهامه من سلايل لابةٍ بفعالهم تفخر قبيله محمد مرعي المري ' لاعتزيت وقلت ابن رفّاع طاولت الغمامه أبلجٍ مافيك ضعف وطيّبٍ مافيك حيله ابقميٍّ خامس التاريخ بكفوف الزعامه لك يساق المدح مثل العود "ياليث القبيله" (فـ اتربه مهد العلوم الغانمه وارض القرامه لو بذرنا بذر ،، ماينبت ثمر تنبت فضيله انس مسيعد ' سيرة ظهور السواني كلها " حزم وصرامه " مستحيل تشوفهم ما يعشقون المستحيله من حضن فيهم شموخ ومن حضن فيهم علامه عان بيرقهم ثلاث عصور في راس الطويله الورع يفطم على البارود في حزة فطامه قبل سن الرشد يلعب بالسلاح وبالفتيله عبدالله الجعيداني والكبير بحنكته وبخبرته والاستقامه يعدل اللي فيه شك وفيه ريب وفيه ميله يالبقوم اللي على راس الفخر مثل العمامه ماخذين النعم بفعولٍ مع العالم مهيله ياممر اللي يعاديكم على يوم القيامه ويا مقر الضيف والفعل المشرف والجزيله محمد دعيرم (ونعم بسهوم المنايا و نفس ما قال فيصل الرياحي الله يرحمه و يسكنه الجنه ( اربعه منا عنا اربع قبايل والولد منا عن اربع ميه) ( دواهي البقوم اللي لهم سامعه وسير يسولف بها الراوي على الكاتب القراي يوم ان الجزيره وجهها اقشر وكر وفر خذوا قسمهم من فعل كل ابلج عصاي) ونعم بالجميع
