planificacion.depourense.es/ A Unión Europea ofrece, para o período 2014-2020, unha ampla gama de programas que tratan de lograr un extenso desenvolvemento en diferentes campos, tales como o emprego, a xuventude, a cultura, o medio ambiente, ... que a nosa provincia non debe desaproveitar. É por isto que se creou primeiramente esta oficina sendo conscientes das dificultades dos pequenos concellos á hora de accederen á dita información. Co tempo tamén se ampliaron os obxectivos deste negociado, que ten como funcións básicas o deseño, elaboración e tramitación dos plans e programas de investimento, como xa se ten demostrado coas presentacións de numerosas iniciativas para o seu cofinanciamento a través do FEDER (INTERREG IIIA, POCTEP (Programa Operativo de Cooperación Transfronteiriza España Portugal), Espazo Atlántico, FEDER- Eixe 5 --Desenvolvemento Local e Urbano, etc.).
