忠告：本頻道內含「異端學說」並且主張「去宗教化靈修」，經常都會喺有意無意之間批判一啲有明顯「邏輯偏誤」嘅宗教教義同神學理論，為避免無謂嘅爭拗同狂熱信徒嘅玻璃心碎，敬請慎重訂閱。
本Channel嘅六大守則：
●第一守則：「追尋真理」不斷追尋真理，唔好停留喺任何嘅框架同幻象之內。
●第二守則：「信你自己」唔好迷信，亦唔好過於相信我，請永遠相信你自己。
●第三守則：「黃金法則」只要你相信，哪怕係世上最難嘅事情你都可以完成，只要你相信，你必定可以成為你想成為嘅人。同一道理，只要你唔相信，所有命運嘅詛咒都會統統失效。
●第四守則：「大自然即神」我相信嘅係愛因斯坦所講嘅「斯賓諾莎」的上帝，神就喺你嘅心中，祂冇好惡，亦唔會審判，哪怕今日你選擇做一個「壞人」，神亦唔會因此而懲罰你，當然，我更願見到你善待一切生靈。我十分中意佛陀同耶穌，但咁並唔影響我對佛教同基督教學說嘅合理質疑，因為智性比虔誠更為重要。
●第五守則：「回不了家」我無法帶你去極樂世界、娑婆世界、天堂、第五維度，宇宙聯邦，亦無辦法同你一齊手拖住手回家，如果你冇得去天堂都唔介意留低嘅話，咁我諗呢度好適合你暫時停留一陣，但如果你係一個「靈性逃避」嘅嚴重患者，咁我今次真係。。。。。愛莫能助。
●第六守則：「有病去睇」有病唔該你去睇醫生。我堅信人體絕對有治愈一切疾病嘅能力，但我亦堅信，你仲未到達咁嘅水平。
我係陳老C，隨心而行，我歡迎你加入，也鼓勵你離開，夠鐘就退訂啦。