البارحه ضاق الصدر وارسلت لك يا بو يزيد ياصاحبي وابغى حلول لحالتي يا ابن الكرام خابرك تفهم صاحبك يا صاحب الراي السديد بيني وبينك معرفه واسمى معاني الانسجام بانت حقايق واشعلت في داخلي نار ٍ تقيد لو شفتهم ياصاحبي وشلون ضاعوا بالظلام وشلون باعوا كلّ شي الغالي اصبح شي زهيد وشلون هم استسلموا فجأه رضوا بالانهزام فجأه المبادي بدّلوها و بتدأ عصرٍ جديد اضحك وساير هالبشر جامل ونافق بالكلام واهدم معك كلّ القيم ماهو مهم بس استفيد بارخص وسايل ممكنه لو يستبيحون الحرام دام الوسيله مخزيه فالمبتغى اخزى اكيد دامك رضيت المهزله لازم يضيع الاحترام الله خلق والله فرق واحوالنا اربع عبيد العبد الاول طاعته يحرص عليها بانتظام ثاني عبيده مقتصد هو دون الاول مو بعيد ثالث عبيده من ظلم نفسه قليل الاهتمام رابعهم اللي باع دينه هو نسى يوم الوعيد يومٍ عظيمٍ يذهل اللي ماوصل سنّ الفطام هذه نصيحه قلتها وارسلتها عبر البريد احذر خبيثين الفععل لاتنخدع بالابتسام