J'ai eu le meme probleme mais c'est le fusible de régulateur 2 de pression. qui ce grille, mais la fiche de la pompe n'a rien. probleme resolu apres changement de fusible
السلام عليكم اخي،طرطقولي ربع قرع نتاع ماء لسيارة شوفرولي اوبترا لانه كان هناك لبريسيو في دورة المياه فتحت المتور هاد اليمات من الالف الى الياء يعني رفيزيو جنيرال كي غلقت وناض المتور لقيت نفس المشكلة وعاود طرطقت القرعة الخامسة عقلي حبس بدلت كل قطع غيار المتور وديت لكيلاص لتور قالي راهي مريقلة الرادياتور مديبوشية الترموسطة جديدة مضخة الماء جديدة الرادياتور نتاع الشوفاج مديبوشية ليباستي الكل معاودين جدد لبيب نتاع الماء جدد لدريت فرفيتهم الكل ماشي مبوشين القرعة جديدة الحاجة الوحيدة ليماشكيتش فيها وما بدلتهاش وهي البشون لاني كنت شريه على اساس دورجية GM ومنهار ليركبته بداو المشاكل نتاع الطرطيق سواءا في القرع او الخراطيم او ليباستي الحصول سوفرونس كبيرة مع لابريسيو والامس بانتلي عليه فتحته ونحيت الجوان نتاعه لقيته مفركت في الداخل فهمت بلي كل هده المشاكل صراتلي منه والسبب ليجعلني مانفرفيهش هو انه قطعة اصلية لاكن فيها ديفو او مغشوشة ولهدا لازم الانسان يبدا بالبشون كيما قلت انت يفرفيه مليح ومنبعد ينطلق الى اشياء اخرى تكون واعرة وغالية وعدرا على الاطالة لاكن ليستفيد الجميع من خطورة البشون وما يسببه من اعطال تتعبك من راسك ومن جيبك وشكرآ.
