السلام عليكم حبايبي انا سميه حسين صاحبه قناه اكلات وحلويات مع سميه❤ ان شاء الله معايا هتكونو محترفين في شغل الكيك وكل ما يخص الحلويات والمطبخ وكمان لو حابه تعملي مشروع يبقي ان شاء الله هتستفادي من القناه👩🍳❤ شكرا لدعمكم حبايبي❤
ياروح قلبي تسلميلي يارب ويسلملي زوقك ❤ بصي ياقمر فعلا في بعض الأوقات بيكون في الطبقة دي وخصوصا دايرة في النص كدا اول حاجة لازم نوع الدقيق يبقى كويس عندك الأصيل حلو اوي وانا معتمداه ثانيا الكاكاو لو تورتة شيكولاتة لازم تنخليه هو والدقيق كويس والبيكينج بودر كمان ووانتي بتضربي الخليط قلبي بالاسبتيولا كويس في نص الضرب عشان لو في حاجة متكتلة اسفل الخليط تضرب معاكي والمحسن يكون كويس واوعي تحطي الدقيق في الثلاجة وبعد ما تحطيه في الحلة مشي عود خلة طويل في الخليط عشان تخرجي الهواء أو اخبطيه كام خبطة وان شاء الله مش هيبوظ منك تاني وربنا يحسن مابين ايديكي يارب ويوسع رزقك حبيبتي يارب❤
بصي حبيبتي في الصيف يفضل الميا والبيض يبقوا ساقعين في الشتاء مش لازم ودا لان المحسن والمواد الرافعة اللي في الاسبونج بيتفاعلوا اكتر مع السوائل الساقعة وبالنسبة للمحسن لو جايباه لسه جديد استخدميه عادي لكن لو هتركنيه فترة يبقا تحفظيه في الفريزر وسواء ساقع أو فريش النتيجة حلوة بأمر الله ودا طبعا للاسبونج عكس كيك الشاي لازم كل حاجة بدرجة الغرفة
تسلمي والله الفديو اجي ف وقته نفسي اعمل مشروع ده وترددت كتير وعملت فعلا كبات وادتها لسوبر ماركت مأخدش مني غير مرتين وقالي ومن سعتها مطلبش تاني وعزمتي راحت وقلت خلاص معتش عامله حاجه بس الفديو بتاعك اداني تشجيع اجرب مع حد تاني واعمل صفحه عالفيس يمكن ربنا يكرمني ولو محصلش يبقا خير
لا ياقلبي اوعي تتنازلي عن أي نجاح جربتي تسعيله وفشلتي لان دا اول طريق النجاح وكلنا ياما باظ مننا حاجات وخسرنا خامات بس ربنا بيعوض وبنتقدم والحمد لله ان شاء الله الفيديوهات الجاية تفيدك وانتظري القناة الجديدة هتكون مخصوصة للمشروع والتسويق بأمر الله
