ألف الف الف صلاة مع ألف ألف ألف سلام عليك يارسول الف الف الف صلاة مع ألف ألف ألف سلام عليك يا حبيب الله ألف ألف ألف صلاة مع ألف ألف ألف سلام عليك يا امين وحي الله مدد
من يومين شُفتك معاه كنتي ضهرك ليا وعنيكي ف عينيه طفل مش مني ف ايديكي دبلة مش ليا ف ايديه كنتي ثابته وبنت نفسك انكسر ضلي ساعتها والبشر مرت عليه كان بوّدي اعتذرلك حتى اقولك عامله ايه بس سيب قلبي دقة لما عقلي قالي لا دي النهاية المستحقة لحد ساب وماقالش ليه وافتكرتك وانتي جنبي كنتي بنت أصول وصالحة عاملة مع روحك مصالحة كنت بستغرب مشاعرك ف الفرح بلاقيكي وردة أم معجونة بطفولة ف الألم بلاقيكي ثابتة تسندي ضهري برجولة تلحقيني كل مرة كل مرة بتبقي سابقه خطوة عن كل اللي جنبي كنتي تتحبي الحقيقه بس انا كنت اعمى فعلاً كنت باهرب بالطريقة مرة خايف مرة اسف مرة لين مرة ناشف مرة مش قادر أكمل مرة مش عارف أجمل عشتي شايلة وعشت احمل لما فاض الكيل ف روحك للأسف كنتيلي دنيا وكنت أكبر ما ف جروحك مين يجيب اللوم عليكي وانتي كل مافيكي طيب ده انتي حتى الاه مكنتيش بتقوليها كل حاجه عشاني كنتي بتعمليها لسه فاكر وانتي نازلة ف وقت متأخر لجل تجيبيلي الدوا واما اقولك دول شوية برد يعني كحه من لسعة هوا تعمليلي أم بتزعق ف عيل قولتلك تلبس كفاية برد طوبة مش قليل واما ابوس ايدك تقولي طفل مزعج بس طيب كان عليكي نشان براءه عمره مرة ما كان يخيب كنت ماسك ايد جنينة عيلة ف تانية ابتدائي مش صبيه مخلصة جامعة وقوية وليها شخصية وكيان النهارده انا كنت نقطة واقفة بين أصبح وكان واما خفت ل حد ياخد باله مني ف المكان خدت بعضي و روحت ماشي زي شجرة بغير فروعها كان ف ضهري عمري فات بنت ولا كل البنات كان تاريخ كامل ورايا ضحك واغاني وسلام صمت ومعاني وكلام كوكب الاحلام بحاله كان ورايا كنتي واقفه هناك معاه وكنت بتمشي معايا كان ضروري تشوفي حالك عين بسيطة ومرتحالك اب للحزن اللي جالك لما سبتك واقفة وحدك وكان طبيعي اني اسقط ف اللي انا جربته بعدك فين هلاقي حد زيك زيِّه زيِّك لونه لونك انتي ابسط من معاشرة شخص كان عايش يخونك يا بمشاعره يا بهروبه يا بمحاسنك يا بعيوبه ان مكنتيش انتي فرحانة وسعيدة مين تكون مين تكون الام للطفل الجميل ده مين تكون ضفايرها دلتا وحضنها صافي وحنون الحقيقة كل شيء كان شيء طبيعي زي ما الخواجات يقولوا Fair enough شخص فرط لف كل الكون ده لف وواحدة زيك ليها أسرة مش هكملها بحسرة أو هقول لو كان هيبقى بس هدعيلك كأم وطفلة سابقة تيجي بنت تشيل ملامحك طير مايلقطش الا قمحك مطرة صافيه متنتهيش ربنا يفكرني بيكي وتفضلي متفتكرينيش
فى ناس مش لتنسى زبتحول ماضيها زحاضىها اءكرة مخذنو اوصندوق اسود للنهاية وربنا بيعطيهت القوة لمواجة حظها وقدرها والصبر عليه قلوب مبتعرفش تنسى ولا الخروج من ماضيها وعندها الوفاء لاحساسها بالوفاء بدون حدود ولا تأخذ بتحب تعطى بس وهى سعيدة لها ولغيرها وتخرج وهى تتمنى السعادة لغيرها او ان تترك ذكرى جميلة وللابد ويكفيها ذكريات جميلة فى خزينة لاتعو ض 💎 داخل صندوق الذكريات الغالية 😮 ندوقها
