ناس زمان قالو : كاين المكتوب وكاين الزهر كاين لي راقد عالحرير وكاين لي راقد عالجمر كاين لي زهرو بحر وكاين لي زهرو قطرة مالبحر وكاين لي زهرو لا قطرة لا بحر وكاين لي زهرو صد وعطاه بالظهر خالط من الناس رجالها يغيب المال تحضر افعالها وخالط من بنات حواء قليل جمالها يفوت زمان وتفديك بدمها ومالها. اليوم الدنيا واسعة وغدوة عندها حدود اليوم غطانا صوف وغدوة غطانا لحود الزين زين الڨلب موش نواظر وخدود لاتمشي في ثنية لحرام راهو باب مسدود خلي ڨلبك متسامح ولاتكون كي الجمل حڨود أبكي على الحي أما الميت ماعاد أيعود
👍 انتم الي مازلت فيكم ومعاكم البركة والحرمة ۔۔ الله يحفظك خونا علی هاذي الابيات راءعة ، والتي هي حالة وظاهرة واقعية في مجتمعنا الحالي ۔۔ ▪ تحياتنا الخالصة
السلام عليكم. ما شاء الله عليك . لخصت كل شيئ في بعض كلمات. وما شاء الله عليه الحشمة في وجهه. رجال وتلقاهم ذوي أخلاق. ونساء يمشون عرايا في الشارع حتى المتزوجة. والراجل رجع لا هيبة لا كلمة ربي يهدينا. كانت الأم انتاعي ربي يرحمها ويرحم جميع المؤمنين والمؤمنات تقولي الوسادة تغلب الولادة. ما وسعنا قوله اللهم لا تترك فينا ضالا إلا هديته. والله المستعان