A lexlaxel Tecfam! Tecfam mi d-teḥder tisin Akken ad ken-εerrin S yisendyaq n ṭaḍamun D lfeṭṭa neγ d tiwiztin Ihi s kra din Uwin-t γzan-as aḥḍun Lesrar n tudrin Uwḍen Palistin Nekkni nettnaγ γef temẓin Wiyad di rrbeḥ ttεumun Lmal mi d-yeffeγ addaynin Iḥerr tasga d lkanun A lexlaxel ay yuγen imdanen daxel Tnayen-u-settin ma ad as-necfu Nγill d amezyab n lehna Nerfed leεlam ncennu Aql-aγ nessufeγ Fransa Bu-uεmam ass-n i t-nettu Yesmar burku Yessenṭeḍ di mkul lǧiha Yufeg-d leḥzen am wabbu Yeqqim-d uγurru Tirrugza tenza s rrxa A lexlaxel ay yuγen imdanen daxel Ayen akken tezgel labyu Uwin-t ccmayet d ttrika Di tmazirt uccen la iḥekku Yeqḍa-d tezdeg d lḥerma Yekker s axerfi ad t-yehdu Ad ffγen γer zzhu Ad εeggden deg yiwet n lḥara Izem iεebba azaglu Yurez-it bururu Awtul yeṭṭef-as ccuka A lexlaxel ay yuγen imdanen daxel Lekdeb yerreẓ-d di ssuma Tidet wi ara tt-id-yaddren Aεdaw ajaddiw yufa Leknuz d-ǧǧan wid yeffγen Mi akken i as-neqqar ttaḥya Ttḥaya Ben Bella I aγ-neqqen s tuffra irgazen Di tudrin nettemεassa Acu yexdem wa Lxuf iẓerreb ixxamen A lexlaxel ay yuγen imdanen daxel Yesεa udfel tisseḍsa S tuffra i tt-iḍellu Ssudnen-aγ afus nebγa Armi t-weεεan i truẓu Ma d lemtel si zzman yella Mi d-tmeǧǧeḍ lǧedra Tḍurr-itt tqabact tettru Cfiγ yemla-yi baba Γef wasmi i tefra Si Maṣer i d-isuḍ waḍu A lexlaxel ay yuγen imdanen daxel Ihi a gma acetki ulaḥed Azrem yuweḍ d talafsa Ad ak-iniγ awal sel-d Xas ini-asen-t azekka Ma cudden-d rrkeb begsen-d Seg umesmar kkes-d Deg uraǧu lfuci teεya Ma d kumisar ma ibedd-d Ad t-qableγ s lqedd Mi ẓriγ aεerqub-iw yesfa lyricstranslate.com