القناة تعليمية توعوية تثقيفية لا تختص في مجال معين لكن كل مجال او اتجاه سيكون في قائمة منفصلة والعناوين ستكون واضحة قدر الامكان لتسهيل الوصول لما يحتاجه المشاهد .. تحياتي للجميع.
عزيزي ما مستخدمه فما اعرف هذه الحالة الافضل تسائل صاحب المحل الي اشتريته منه عموما من المنطقي زيادة سرعة المروحة من تطفىء الكهرباء لزيادة الحمل على البورد
السلام عليكم اخي سؤال اني اشتريت فاربر ٢٥٠٠ ايهما افضل ابقي ٢٤ ساعه على كهرباء متصل بدون تشغيل زر البور فقط عند استخدام حاسبه اشغل بور لو اطفي نهائي من دكمه كهرباء ؟ ومن اريد اشغل حاسبه اشغله من ناحية حفاظ على عمر البطاريه ؟
نعم عزيزي يتلف اذا تعوفه بدون تشغيل يتلف بالدرجة الاولى البطاريات وبالدرجة الثانية المراوح اذا بيه وبالدرجة الثالثة البورد الافضل تشغله اقل شي مرة بالشهر حتى لو ربع ساعة
أستاذ فؤاد اكون ممنون تنصحني أريد أشتريها برذر T920DW لگيتها بسعر 375 و 360 و 350 وأخير شي ب 330 عند محل بالحلة اسمه شركة النسيم للحاسبات يگول جديدة ضمان تشغيل شتگول آخذها منهم توصيل لبغداد أصلية لا اوربي ولا غيره
عزيزي اذا انت سكن بغداد اشتري من بغداد افضل الك روح نفرات لشارع الصناعة ابدي اسئل المحال من ما قبل فلكة الجامعة التكنلوجية اسئل فد خمس محلات اقل شي واسئل بدربك على سعر الورق والحبر شوف المحل الانسب اشتري منه ولازم تشتريها لوك ما مفتوحة
عزيزي اني مرة ربطت الهارد الخارجي مال البلي ستيشن على الحاسبة كلت اشوف اذا اكدر اتلاعب بالالعاب او اضيف لعبة مباشرة طلب فرمتة مجرد ربطك للهارد على الحاسبة هو خطر يؤدي الى مسح كل البيانات ما عندك حل الا ترجع الهارد للبلي وتنصب العابك من جديد
عزيزي من شارع الصناعة سعرها ب ١٧٢ الف دينار تروح لشارع الصناعة قبل فلكة الجامعة التكنلوجية تسئل فد خمس محلات على سعرها وسعر الورق والحبر وتشوف الانسب وتشتري اما من ناحية ضمان فماكو اي ضمان حقيقي لان ما عدنا وكالة بالعراق لشركة برذر اهم شي تاخذها لوك .. لازم الكارتونة ما مفتوحة واي سؤال اني حاضر وتدلل
@@fouadalmohandes229 نعم نفس الموديل x55 لكن لم اجد اي خيارات تفيد لازم ادخل للراوتر من المتصفح حتى استطيع احظر او افك الحظر عن احد المتصلين التطبيق عديم الفائده اتكلم عن الاندرويد ممكن الايفون يفرق لاني لااملك ايفون
السلام عليكم اني جبت ups1kva online اني رابط علية الحاسبة ومخلي على الكهرباء وهوة مقبط شحن هل شي عادي يعني مشغلة على الكهرباء ومشتغلة علية الحاسبة عادي وخليتة على وضعECO علمود ما يصرف شحن من البطارية يعني طفيت منضم الفولتية لين جان يصرف شحن
اهلا وسهلا بيك عزيزي عزيزي الي مسويه انت كله مو عادي لازم من تريد تشغل جهاز على اليو بي اس مثلا حاسبة او بلي ستيشن ، فلازم تنطي كهرباء لليو بي اس قدر الامكان لان مهمة اليو بي اس الاساسية هي توفير الكهرباء للجهاز في حالة انقطاع الكهرباء الوطنية فشغل اليو بي اس وانطي كهرباء وبالنسبة لنظام ال ايكو فالافضل ترجعه لوضعه الاساسي، لان نظام الايكو يوفر الطاقة لكنه يدمر الاجهزة وخاصة الالكترونية ونصيحة شاهد فديواتي عن اليو بي اس بيها هواي معلومات واي سؤال اني حاضر وتدلل
الف رحمة على والديك راح اتابعك عندي بس سؤال هو اخر سؤال ولو سويت زحمة اني جبتkstar هذا ما يشتغل ب المولد بس على50hz اذا صارتhz اقل يحول بطارية مال فاربر يشتغل على أقل من50hz @@fouadalmohandes229
@@fouadalmohandes229 هل في طريقة اقدر اتواصل فيها معك. عندي استفسارات كثيرة عندي كم جهازي عاملة عليهم التعريف وبعمل اسكنر بس مش راضي يظهر لي غير صفحة واحدة انا رابطها بسيرفر محلي تبع الشغل تكفى
@messo35 عزيزي اذا ممكن تتفضل وتطرح الاسئلة في هذه القناة وساحاول الاجابة باسرع وقت ممكن من ناحية ان اخذ صورة من السكنر لاكثر من ورقة فهذا شيء بسيط ومن الاعدادات لكن في حالة رغبتك بخزن البيانات مباشرة الى سيرفر فالامر يتعدى اعدادات توجد برامج خاصة بالسيرفر يجب تحديثها وتغيير اعداداتها اذا كان سؤالك عن اعدادات فانا حاضر للاجابة، لكن ان كان عن سيرفر فانا اعتذر
سلام عليكم سوال رحمة والديك هل تختلف دقة طباعة بين طابعة t520 وباقي نسخة غالية مثل t820 يعني من ناحية دقة كتابة و دقة الالوان حسب خبرتك و هل يسو ان ادفع 40 دولار اكثر و اخذ نسخة t720 ارجو ان تجيب على سوالي رحمك الله.
اهلا وسهلا بيك عزيزي لو كنت مخصص مبلغ ٢٠٠ الف اشتري ٥٢٠ لو كنت مخصص مبلغ ٣٠٠ الف لشراء طابعة اشتري مثلا ٧٢٠ وهكذا اذا تريد بس تمشي شغل فالطابعة ٥٢٠ تستوفي اغلب الشغلات وسعرها زين لكن اذا عندك امكانية فنصيحتي اشتري الاغلى ٩٢٠ هي الارقى حسب امكانيتك يعني تدري ٥٢٠ ما تطبع وجهين اوتماتيك اما من ناحية الدقة فاكيد الاغلى احلى بالطباعة يبقى السؤال هنا تريد تطبع بيها ملازم لو صور فوتوغرافية اذا صور فضروري تشتري ٨٢٠ او ٩٢٠ حسب امكانيتك .. انت تقرر
@@fouadalmohandes229 مشكور يل طيب على الاجابة على سوالي و هل يمكنك ان تطبع صورة بستخدام طابعة t520 يعني تسوي مقطع أذا ما تصير زحمة و أذا ما عدك ورق صور ف ما يحتاج تسوي و الف رحمة على والديك و الله يرزقك الان انت وحيد جاوبت على سوالي .
عزيزي على الاكثر نفس الخطوات اتبع الخطوات نفسها غالبا ما تنجح الطريقة على كل موديلات برذر عزيزي هدف القناة الاساسي هو ايصال المعلومة المفيدة للمشاهدين وليس زيادة عدد المشتركين واي سؤال اني حاضر وتدلل
@@fouadalmohandes229 بس اني مو نفس المشكلة اني ادوس اي زر ما يشتغل و يطلعلي كتابة باللغة التركية و ما افتهمه و اتبعت خطواتك و ما صار اي شي ممكن الحل و ممنون يا وردة🌹
روح للديسكتوب أضغط كلك عليه من تدخل للحاسبة وتشوف البارتشنات ابحث عن كلمة منيجر واذا ما لكيتها روح لماي كومبيوتر واضغط كلك ايمن بالماوس المفروض تلكاه حسب اصدار الوندوز
مساء الخير اخي العزيز. عندي سوالين اولا هل جميع الاعادادات متشابههة؟ يعني اعداداتي الديفولت نفس اعداداتك؟ ثانيا عندي نفس جهازلك لكن ٢kv لكن المشكله لما اشغل عليه pc high end 4090 gpu الحاسوب يقلع لمده ثواني ويطفى واليوبي اس يطلع صوت صفاره متواصله مع علامه تحذير ورقم 14>> بالشاشهه الى ان اطفيه. ممكن من خبرتك نستفاد واضح انك فاهم جدا
مساء النور اهلا عزيزي بالنسبة للاعدادات فهي مشابهة لكل اعدادات لنفس هذا اليو بي اس، اي اختلاف بالماركة او الموديل او الحجم ما راح تكون الاعدادات متشابهة، لكن بالتاكيد من تشاهد هذا الفديو راح تتكون عند صورة عن الموضوع وبالتاكيد لازم تستعين بالدليل الي يجي مع العلبة اما لسؤالك الثاني فعلى الاكثر يتم تجاوز الامبيرية المسموح بها اذا ممكن تكلي اليو بي اس الي عندك شنو ماركته وموديله؟
توني الصراحه اكتشف انو الي عندي ١ كي في مو ٢ تنصح اخذ ٢ كي في او ٣؟ بما انو اليوبي اس ميتحمل قوه الpc وديطفه عند الاقلاع. هل ال٢ امبيريته راح تكون مناسبه للpc اللي عندي؟
@aliblack3497 عزيزي احتمال ٩٠% يكون ٢ كي في مناسب لحاسبتك لكن هيج قدرة راح تجبرك تطفي الحاسبة اول ما تطفى الوطنية وتنتظر من تجي المولدة تشغل الحاسبة مرة ثانية لان قدرة اليو بي اس تكون محدودة الافضل ونصيحتي ان تشتري UPS ONLINE 3KVA اكيد راح يستوفي الامبيرية الي تحتاجها وبنفس الوقت يمشيك ربع ساعة بينما تجي المولدة واي سؤال اني حاضر وتدلل
نعم عزيزي كلامك مضبوط واضيف عليه كلمتين هواي اقل خطورة من الكوسرة العادية ونفس ما ذكرت .. ينرادلها حيل هواي ، متعبة لكن نتيجتها رهيبة .. شغل جدا نظيف ومرتب شكرا على الملاحظات
@صاحبالفتلاوي-س5غ عزيزي ما انصحك تروح لمصلح ولا توديه لاي مكان شغل الفديو وخطوة خطوة جيك اني من راح اشوف الشاشة ما راح اعرف شنو الي مغيره شغل الفديو وحاول تعيد الاعدادات للاصلية وحدة وحدة
اشتريت منها قبل اسبوعين حيل حيل بطيئة كل ٢٠ ثانية أطلع نسخة وحده ملون نص ع وضع النورمل والوانها مو فاقعه نفس كانون G الي سعرها اقل وجودة طباعتها احسن واسرع
عزيزي اني برايي البرذر افضل من كانون بالنسبة للسرعة تكدر تقلل الجودة وبالنسبة لجودتها تكدر تعليه من الطابعة او من الموبايل او من الحاسبة احبارها البرذر رخيص وتعبئتها سهلة وتصليحها غالبا ما يكون سهل
عزيزي هي تطبع ٢٥٠ صفحة باليوم عادي لكن عن تجربة تصير تدور حجة حتى يصير بيها خلل لان وحدة من عيوبها ما بيها مروحة وجونا حار فبرايي حتى تحافظ عليها وما تصير بيها عطلات ان تطبع خمسين ثفحة وتنتظر فد ساعتين ثلاثة وتطبع الخمسين الثانية او تاجل الموضوع لليوم الثاني افضل طابعة ملونة هي لا هي جهاز استنساخ ولا هي اسود وابيض واي سؤال اني حاضر وتدلل
@@fouadalmohandes229حبيبي استاذ ميدلل عليك ظالم بس بلا زحمة بخصوص فترة الانتظار احنه ننتظرها حتى تبرد ونكدر نشتغل بيها مرة ثانية … هل يا ترى انتظار 5 ساعات بسبب طباعة 50 صفحة هو كافي حتى تبرد الطابعة واستطيع استخدامها مرة اخرى … يعني ليش ناجلها لليوم الثاني مثلا هي راح تبرد بالحالتين سواء طبعت بيها اليوم او باجر …….. استاذي ياريت توضح اكثر هذا الموضوع لان ما فاهم العله واكون شاكر الك❤❤
عزيزي اذا ممكن تشاهد الفديو بالرابط ادناه ru-vid.com/video/%D0%B2%D0%B8%D0%B4%D0%B5%D0%BE-B7jN5uFfFr8.html وهذا تعليق قديم اتمنى ان يكون مفيد عزيزي حسب رايي هو توجد ثلاث حالات × الحالة الاول انت شغلت الحاسبة مثلا على اليو بي اس وجانت وطنية او مولدة وبقيت ساعة او ساعتين او عشر ساعات ، المهم خلال هذا الوقت ما استعملت بطاريات اليو بي اس، ليش لان ما طفت اصلا، بهذه الحالة برايي اول ما تطفي الحاسبة مباشرة تطفي اليو بي اس وتقطع عنه الكهرباء الي تجيه من الحائط × الحالة الثانية هي اثناء استخدامك لليو بي اس طفت الكهرباء مثلا ربع ساعة بس شنو انت بقيت محتاج الحاسبة وبعد ما اجتي الوطنية او المولدة بقيت تستخدم الحاسبة واليو بي اس يشحن بهل الاثناء ، فاذا بقيت اربع اضعاف الوقت المستخدم مثلا ساعة وشوية فايضا تكدر تطفي الحاسبة واليو بي اس مباشرة وتفصل عنه الكهرباء. × الحالة الثالثة هي نفس الثانية بس مثلا انت من استخدمت اليو بي اس ربع ساعة على البطاريات بعدها بشوية خلصت شغلك بالحاسبة وردت تطفيها، طفيها بس لازم تخلي اليو بي اس يشحن. شكد راح تخليه يشحن؟ الموضوع تقديري يعني مو بالضبط وزيادة الوقت افضل من نقصانه يعني تسحب دقيقة من بطاريات اليو بي اس اشحنه بالمقابل خمس دقائق او عشرة ماكو اشكال بس مو وقت مفتوح من تسحب ربع ساعة من بطارياته اشحنه ساعة وربع او ساعتين ماكو اشكال وهكذا واي سؤال اني حاضر وتدلل.
عزيزي يعتمد على تركيبة بناء البيت وكثافة الاثاث البيت الي بيه دنك مسلح هواي وحيطان هواي مو زين للاشارة، وكذلك الاثاث اشكد ما كثر تقل الاشارة لكن عموما تغطيته ضعيفة
السلام عليكم، اني اشتريت جهاز من تكنو بس طلع بيه خلل مصنعي، ورجعته للمحل كال ارجعه الك للشركة وهم يستبدلوه بواحد جديد صحيح هذا الكلام لو مجرد يصلحوه ممكن الي مر بهيج حالة ينورنا وشكرا
عزيزي المعمول به من قبل كل الشركات بالعراق تبيع للمحال المفرد المحل المفرد ماله اي ذنب اذا جهازك طلع بيه خلل فاما يكلك روح للشركة مالي علاقة بيك او يتفضل وياخذ الجهاز الي بيه خلل منك ويوديه للشركة انت توديه او هو بكل الاحوال راح نروح للمرحلة الثانية احتمال ٩٩.٩% الشركة راح تصلحه تصليح درجة اولى مضبوط ١٠٠% اما يرجعوه الك نفسه او ينطوك واحد بنفس المواصفات مصلح من قبلهم ملخص الحجي الي سواه وياك صاحب المحل طبيعي ولا يظل ابالك على تصليح الجهاز كل الشركات كلها عندها مختصين وعندهم مواد احتياطية اصلية والامر جدا طبيعي وراح يرجعلك اخو الجديد واي سؤال اني حاضر وتدلل
عزيزي نضربت سوفت وير اكتب باليوتيوب كيفية استعادة النظام للطابعة ٩٢٠ برذر بلكت تكدر ترجع النظام او تريطها على الحاسبة وتطلب تحديث او الحل الاخير توديها لمصلح ولازم تعوفها يمه فد يوم اقل شي ما انصحك توديها لمصلح
