ÍATV er netsjónvarpsstöð á vegum Íþróttabandalags Akraness og er styrkt og fjármögnuð af ÍA og Akraneskaupstað.

ÍATV var sett á laggirnar í lok árs 2016 þegar ÍA ákvað að styrkja verkefnið til tækjakaupa. Það ár sendi ÍATV út sjö sinnum en síðan hefur mikið vatn runnið til sjávar. Árið 2017 voru útsendingarnar 28 talsins og 2018 voru þær 64.

Nú þegar árið 2019 er rúmlega hálfnað eru útsendingarnar orðnar 49 en fyrsta útsending ársins var sú hundraðasta í röðinni.

Útsendingunum hefur því fjölgað ár frá ári. Einnig hafa liðsmenn orðið fleiri og þekking og reynsla þeirra aukist, tækjabúnaður batnað og gæði útsendinganna og metnaðurinn til að gera vel hefur ágerst.

Við sem stöndum að ÍATV höldum áfram að gera okkar besta til að þróa þetta skemmtilega og mikilvæga verkefni áfram og stefnum að því að gera ÍATV að bestu netsjónvarpsstöð íþróttafélags á Íslandi.