Әйтеке бидің 380 жылдық мерей тойы төңірегіндегі ойлар ( бұл менің жеке пікірім) Той өтті...жан-жақтан көпшілік қауым жиналды...құран бағышталды...тағысын тағылар... Бірақ көңілде олқылық қалды. ..."Біткен істің міні жоқ, бітірген ердің кемі жоқ " деген бар ғой. Сонда да болса...Осы бір той-жиын Әйтеке биге лайықты болды деп ойламаймын. Неге? Өзбек халқында нақыл бар :"Айтсам тілім күйеді, айтпасам - ділім(яғни көңілім, жүрегім дегені)". Өз пікірімді ортаға салып, ішімді түрткілеп ,тыныштық бермеген бағзы бір ойлармен бөліскім келіп отыр ("олақтың көзі танығыш" деген де сөз бар). Негізі мен "олақ" емеспін, дегенмен уақытында осындай мерекелерге қатысып көзім қаныққан жан ем. Қазір зейнеттемін , жасым 72де. Рас, тойда өнерпаздар барып концерт қойып, қарапайым халықпен араласып өз рейтингін көтеріп жатыр. Ана Жаңабай інімізге де рақмет: қазақтың ұлттық киіз үйін үлгі етіп тігіп, жұртты сүйсіндірді. Алайда ...бұның бәрі Әйтеке бабамызға жеткіліксіз деп ойлаймын, шынында бұндай тойды екінің бірі өткізеді( дөрекілеу қылып айтқанда сүндет тойдай өте салды), ресторанда ән айтып, би билетумен, жеке адамдарды сарпайлаумен ғана шектеліп қалдық. Ал , Әйтеке би бабамыз тек соған ғана лайықты ма еді! Ұйымдастыру комитеті болған шығар...неге кең көлемде, тіпті ЮНЕСКО көлемінде, халықаралық ғылыми шеңберде Әйтеке бидің, Жалаңтөс баһадүрдің өмірі-қызметі туралы терең талдаумен баяндамалар, тосын мәліметтер ұйымдастырса болатын еді ғой! Әйтеке би тек қана Кіші Жүзге тиісті емес, бүкіл қазақ халқы ортасындағы ірі саясеткер тұлға емес пе еді, "Жеті жарғының" авторларының бірі емес пе еді, қазақ мемлекеттілігін заңдастырған қоғам қайраткерлерінің бірі емес пе еді! Осы бір жәйтті үйреніп қана қоймай халыққа тарататын, кейінгі ұрпаққа жеткізетін тарихшыларымыз қайда қалды! Немесе...сол бір ғазиз тарихи тұлғаларды көркемдеп жеткізетін ақын-жазушыларымыз қайда қалды! Немесе...қазіргі жастар кітап оқымайды(құмар емес) - соларды қызықтыру үшін көркем фильмдер шығаратын кинематографтарымыз қайда қалды! Тек тар шеңберде ғана шектеліп қалдық! Әттең... Сосын...қазір Яссауи кесенесі жөндеуде деп естимін...Екінші Мекке саналатын қасиетті мекен Түркістанға туристер ашылып келіп жатыр. Соларға біз не көрсете алып жатырмыз. Бірде есімде бар...2002 жылы Бухара қаласында Нақшбанди қазіретке арналған халықаралық симпозиум өткен болатын... Яссауи ілімі одан кем бе еді! Неге тарихшыларымыз, тіл мамандары Яссауи бабамызды жаңа қырынан көрсете алмасқа! Сосын... Жошы хан кесенесін айтатын болсақ...тек кітаптан суретін ғана көреміз...жеке басым барып көруді армандаймын...бірақ та ол айдалада жалғыз (солай ғой), баратын дұрыс жол да жоқ шығар, жарамаймын деп қорынамын...Неге осы төңіректе туризмді дамытпасқа! Әдемі жол салып, мавзолей төңірегінде этнографиялық (эко емес) ауыл салып адамдарды орналастырса болмай ма! Оған шама келмейді екен деп ойламаймын. Біз өткенімізді тар шеңберде емес, кеңінен халықаралық ғылми көлемде паш етуді үйренетін, үйрететін кез келді деп ойлаймын. Мемлекеттік көлемде шешілетін мәселелер болғандықтан тиісті ұлт жанашырлары осы бір мәселені қолға алып шұғылданса екен деймін.
Барлыгы жаксы тек ертеде кыздар басын онга солга козгап билеитин еркекке типти жараспаиды казир кыздарда оны истемеиди жаксы коремиз жарасымды болганынды тилеимиз тек жанында жургендер жаны ашитын биреу аитса болады гои ертедеги индия киносындагы биши кыздардын истегенин истеме деп
