"Ni Euskalduna" proiektuan herrien memoria historikoa biltzen ari gara. Bideoetan, gure aiton-amonak elkarrizketa dibertigarri eta interesgarrietan ikus ditzakegu euren herrietako gauza berezienak kontatzen.

Euskararen garrantziaz eta erabileraz, jai nagusien garapenaz, herriko zurrumurruetaz, pertsonai famatuetaz, herriko ohiko lanaz, garaiko bizimoduaz, inguruko herriekiko erlazioaz, eskolako ohituraz, gerra garaiko kontuez eta abarretaz hitz egiten digute.

Proiektu honen helburuak hauek dira: gure herrien historia ezagutzera ematea, euskalki ezberdinak biltzea, 2.0 komunitateetan euskararen erabilera sustatzea, interneten eduki berri bat eraikitzea eta bertan, adin guztietako pertsonak bildu eta hurbiltzea.