السلام عليكم تتهني فيه يارب لو سمحتي ممكن تكتبي لينه مواصفاته ورقم الموديل وهل هيه كله نفس الموديل وهل ميديا نفس ميراكو وايه افضل نوع مسحوق غسيل كويس وسعره كويس ويكون مصري وشكرا على مجهودك ويارب يسعد قلبك
@@هندهند-ك8ه وعليكم السلام ورحمة الله وبركاته ده رقم الموديل والمواصفات من موقعهم الرسمي اسمه toshiba lifestyle TW-BJ90M4EG(SK) سعة 8 كجم، غسالة تحميل أمامي، مزودة بتقنية CycloneMix معدل ذوبان المنظفات يصنع الفرق مع تثبيت جهاز الدفع في الدرج، تزيد غسالة التحميل الأمامي من توشيبا من ذوبان المنظفات بنسبة 20%. تقنية THE GREATWAVES™ تقنية ORIGIN Inverter™️ تقنية CycloneMix™ غسيل سريع 12 د تقنية ANTI-BACTERIA GASKET ميديا دي الشركة الام اشترت توكيل توشيبا والوكيل بتاعهم في مصر هو ميراكو وده ماسك توكيل تكييفات كاريير وتوشيبا ومنتجات ميديا أنا بستعمل اوكسي لكن الباقي مقاطعة مبقتش اجيبه
@@info-tubeforyou4114 شكرا شكرا وجزاكي الله كل خير يارب يفرح قلبك ويسعدك ويرزقك من الخير كله عشان انا محتاره كله توشيبا بس رقم الموديل مش فهمه حتفرق اذا 9 كيلو او 8 كيلو بالمواصفات رقم الموديل مختلف
@@yarashehap3289 ايوة هو برنامج غسيل وشطف وعصر بستخدمه للطرح والحاجات اللي اتلبست وقت قليل يعني مكان عرق مثلا او لبس سباحة في البسين يعني حاجات مش متسخة عايزة غسلة سريعة بس
@@user-pj6qc7xc9t آسفة للاطالة انا عملت فيديوهات تانية عن الغسالة مدتها اقل كتير بس هنا كنت بقول تفاصيل كتير لأي حد مر بتجربة انه عايز يشتري غسالة ومحتار بين الأنواع المعروضة وكمان لأن غسالة توشيبا مكنتش منتشرة ايام ما كنت بجيبها حبيت افيد الناس بكل معلومة عرفتها عنها شكرا لمرورك
وعليكم السلام مش فاهمة سؤالك بس عموما الغسالة بقالها سنتين عندي وما شاء الله ممتازة جداا في كل حاجة والله يعني غسيلها حلو جدا وصوتها هادي ومش بتتهز خالص وموفرة للكهرباء هي بس اوقات لما تكون الحمولة زايدة او بغسل فرش تقيل زي المفارش القطيفة التقيلة مش بتعصرها وترجي تشغلي برنامج العصر تاني عشان تعصرها بس بسيط لما يحصل كده لما تكون الحمولة كبيرة بس
الخاصيه الاخيره دى بتنور أحمر عندى وبعدها بلاقى المكواه طلعت البخار مايه كتير وتنقط وتفضل ع الوضع ده كتير لازم افصلها مش أقل من ساعه عشان ترجع تشتغل ومش عارفه اى فايدتها مع العلم هى بتنور لوحدها وانا بستخدمها
لو سمحتى هو المفروض احط المسحوق الاساسى امتى ، اول م اشغل الغسالة ؟ هى المفروض بتشطف الاول وبعدين تبدأ الغسيل صح كده !؟ لان مش بشم ريحة المسحوق فالهدوم لما بطلعه رغم ان بستخدم تايد
لفتها معقولة لأن اللف الشديد بيتلف الملابس اهم حاجة متمليش الحلوة ولو الهدوم متسخة قوي شغليها ربع ساعة واعملي إيقاف مؤقت وبعد ساعة شغليها ده زي نقع وممكن تستخدمي الغسيل التمهيدي بيغسل غسلة مؤقتة ويصرف المية المتسخة وبعد كده تسحب مية نضيفة مع المسحوق وتغسل افضل
الحمد لله الغسالة تمام محتجتش صيانة بس من فترة كان فيه صوت في الحلة واتصلت بيهم اتصلوا بيا وبعتولي فني تاني يوم بس انا كنت اكتشفت ان الصوت بسبب سوسته جاكت كانت بتخبط في الحلة كلمته وقلتله خلاص مفيش مشكلة يعني بيردوا بسرعة وبيبعتوا الفني بسرعة
للاسف تاني مرة اندم اني جبت حاجة تبع تورنيدو جبت مكواة قبل كده وباظت في اقل من شهر والمضرب ده بعد استخدام بسيط زرار السرعات بقي بيعلق ومش بيفصل الا لو شلت الفيشة والكبة معدتش شغاله سلاحها قفش ومعدش بيتحرك كلمت خدمة العملاء قالوا وديه مركز الصيانة وديته قال ملوش قطع غيار واهي مركونة من يومها وتوبة ان عدت اجيب تورنيدو تاني أسوأ ماركة جبتها
الحمد لله ما شاء الله جميلة جدا انا عايزة اقولك اني بشغلها تقريبا يوميا وما شاء الله ممتازة حاضر هعمل ريفيو تاني عن استخدامها بعد سنة ونص وملخص عن البرامج اللي انا بفضل استخدمها
حوالي ٤٠ دقيقة وبعدين يبدأ الشطف وممكن تزودي وقت الغسيل انك تضغطي علي زرار درجة الاتساخ بيزود لحد ربع ساعة تقريبا زيادة وممكن تضغطي علي الغسيل التمهيدي بيزود ربع ساعة
من فضلك بعد سنه رأيك إيه فيها أنا لسه شارياها بقت ب٢٥ الف 😢 من بي تك وكنت عايزة أعرف بعد سنة عاملة معاكي إيه وهل ضروري ارفعها علي قاعدة ولا مش لازم علشان الفني قالي مش ضروري وإزاي أحافظ عليها أعمل التنضيف الذاتي بالخل ولا بالكلور؟والفلتر إللي تحت بيتنضف كل قد إيه أنا أسفه لو الأسئلة كتير 😊
مبروك عليكي يا حبيبتي ربنا يباركلك فيها الحمد لله بقالي اكتر من سنة ونص عندي وما شاء الله ممتازة جدا مش لازم قاعدة هي فيها رجول من تحت تقريبا ممكن ترفعها شوية بس انا عندي عاملة رخامة تحتها اعلي من الأرض حوالي ٣سم عشان مفيش مية تنزل تحتها تصدي لا قدر الله دورة التنظيف اعمليها كل شهر أو اتنين والاحسن بكلور بينضف الغسالة جدا وبيشيل أي روايح الفلتر كل فترة بصي عليه ممكن تكوني ناسية حاجة في الجيوب او في الغسيل بتنزل في الفلتر الافضل يتنضف كل فترة عشان الصرف ميتكتمش
مبروك عليكي يا حبيبتي ربنا يرزقك خيرها الحمد لله داخلة علي سنتين دلوقتي وما شاء الله ممتازة أنا عاملة رخامة اعلي من الأرض ٤ سم وحطالها عليها بس عموما ليها رجول من تحت ممكن ترفعها عن الأرض الأفضل تنظيف الحلة بالكلور بينضفها حلو قوي وبيطهرها من البكتيريا عن تجربة لأن الخل بيأثر علي المكونات الداخلية الفلتر كل شهر مرة انا والله بنساه بالشهور بس الأفضل مرة شهريا أتمني اكون أفدتك ❤️
@@remasabdelwahab9251 دلوقتي سعرها بقي ٢٧ الف 😲 اه سمعت ان نزل منها ١٠ كيلو وسما وسمارت ونزل منها غسالات بمجفف توشيبا بدأت تكتسح السوق تاني ما شاء الله غسالة جميلة جدا