I thinlai luah zo tur hian, Biahthu hrilh ka thiam si lo; Mahse, maw thinlai rukah, Ka hmangaih em a che. Dawnin thinlai a phang thin kei zawng, Anka thlum biahzai nem te; A riang ka lawm ve nan, Duhten thlah zai i rel si lo, lungrun; Tawrh har a nem ve nan, Vawikhat tal hi biahthu di; Min hlan ve mai la. Aw, i zun leng ngai hi mi dawn ve la, Tuar i har thamam, thamam; Nang ngaih meuh zawng, Mu leh mal ka nei ta lo; Nang lova len zawng ka zuam si lo, Aw, tlaini len a har ka ti; Ka tah khua sei tur a, Sirah min hnawl ai chuan, Biahthu der pawh hi maw; Ka thlang zawk thinlai dam nan, Ka dam zo dawn ne'maw; Aw, nang lo chuan. Aw, enga'n ka lo tawn che Nghilhni reng i awm si lo; Tawn ni rei lo mah nise, Kumtluang nghilh loh pari. -Kuku
Hmana min tiam i sut leh mai si a, "Ka phatsan lo'ng che, run lui leh luan hma chuan," tin, I duhaisam mi ka tling zo si loh chuan, Min tiam lo mai la, thinlai na a dam deuh mahna. Ka phatsan lo che, Karah dawtthu leng vangin hual mai lo la, I thinlai dam rawh se, Lem ang der mi ka ni lo, Min bel chiang mai la, Ka thuah khan kei chu ka la ding reng. Sawiselbo tur an awm bik dawn em ni? Karah sawiselbo bik an awm hian ka ring si 10; Ni leh thla leh arsi leh tuifawn te paw'n min hriatpui se la, Nang leh kei kumtluang atan. I hriat loh ka phal lo ka thinlung chhungril ber hi, che, nan Midang tan ka ta tur ni lo chuanin ka phal lo Khuanu henah ka dil a, kan intuahrem theih I thinlungah ka cham ve reng hi ka beisei e.