Դու գնում ես, բայց թևերը իմ քեզ հետ մի տար, Դեռ թռիչքս անավարտ է,կանցնեմ սար ու քար, Սիրտը իմ սիրով պարարտ է, Ջերմ լույսով անմար։ Թե գնում ես գեթ թևերս,դու քեզ հետ մի տար։ Քամու դեմ կամաց ճոճվում է մի ուռի դալար, Անձրևի հետ արտասվում է հեզ ու միալար Ով գիտե հոգու մորմոքը՝ ինչ երակներով, Կհոսի վարար գետի պես կդառնա մի ծով։ Ով գիտե հոգու մորմոքը՝ ինչ երակներով, Կհոսի վարար գետի պես,կդառնա մի ծով։ Թե տխուր եմ, թե ուրախ եմ ինքս էլ չգիտեմ, Կես ոչինչ ու կես աշխարհ եմ, մի դիմակ անդեմ, Բայց սպասում եմ երկնքում,իմ լույս աստղի երևալուն։ Դու գնում ես բայց թևերը իմ քեզ հետ մի տար Դեռ թռիչքս անավարտ է կանցնեմ սար ու քար Սիրտը իմ սիրով պարարտ է, ջերմ լույսով անմար Թե գնում ես գեթ թևերս դու քեզ հետ մի տար։ Սիրտը իմ սիրով պարարտ է, ջերմ լույսով անմար Թե գնում ես գեթ թևերս դու քեզ հետ մի տար։
