القمري يا زرق الجناح دير مزية و اعلالي *** غرب توصل لبشار للخليلة تدي مرسول راه وصلني خبر الملاح خلاو المرسم خالي *** قالولي رحلو و غربوا بالزين المكمول و انا ماني في البلاد يوم لي راح غزالي *** من غير التلفون جاب لي خبرو معجول دير مزية تدي سلام نابع من وسط ادخالي *** من صميم الفؤاد كان حمل سلامي مقبول للي خلات محاين المحبة داخلهم بالي *** من بعد ما تبرى الاجراح تدمى من حس الهول راني نعرف ولفي تحبني كيما يرضي بالي *** القدرة و المكتوب فرقوا و العديان تحول الزين لي يحب خاطري راح و انا وش بقى لي *** لازمني نترك ذا البلاد و نفارقها للطول ولفي مثل القمر ضوات في ظلمة عشر ليالي *** طلقت ذاك الممشوط شعرها مسبول ذاك الحاجب كي السيف رافد مولى الحرب يشالي *** و انا من دون الناس طحت صيد مقتول الأشفار السود جارحين قلبي شفيت العالي **** يا خوتي ذا المحنة دات عقلي وافية الطول الخدود ورود مفقسين بين سواقي و دوالي *** و الفم صغير فيه طب جراح المعلول العنق طويل يبان كي الساري للبعد يشالي *** كي راية بابور البحر في بر الهول و صدر ولفي ياقوت فيه تفاح نبات العلالي *** من يحسدها يعمي و يبقى بين الخلق مذلول زينة المحزم في لبنات مثلك ما جاء قبالي *** مثلك مثل الفخار ابيض صافي مصقول ورثت ذاك الجمال من مقام الفردوس العالي **** من الحورعين ادات كل صفة تسلب العقول يا قمري ادي وصايتي لا تنسى هذا وصف غزالي **** قوللها بعثني جلول جيتك مرسول ماهيش في بشار ساكنة يا مرسول غزالي **** راهي ساكنة في تندوف بر الغارة و الهول يا مرسول قوللها انتي هي راس مالي **** سولت بالله يا مرسول سلملي على الزين المكمول
يا نبينا يا محمد... يا حبيب الله يا شفعنا يوم الموعد.... الشدة فالله المصطفى نوض تقعد... الشدة فالله غايب عني... خيال بعد... منيش القبلة ........ بجاه الصحبة و الاولياء... العظيم الجاه... تحفظنا من كل بلية...يسيل الماء مجراه... ..... بجاه لي يقراو فالايات... المقبول دعاهم... والدينا وأهل النية يحفظهم يالله.... .... يا نبينا ضاق المرقد...مخسر فالشر بداه... يا عيني نايم قاعد.... نترجى فالنور الجنان ...... الي يوقف كل بلية... قليبي ما قساه... انت ربي حن عليا.... سلك لي تاه.... ...... محمد أسمك مجد... ساكن كياني بيا... تجبر كسري يالله.... المومن يرجا رضاه ..... يا مولانا تغفر لينا.... ما يبقاش العيب ورانا... وين يهول يوم نلقاك... رحمتك نرجاااااااهاااااا
