شاركينا كل شيء ❤ وإذا كنت دايرة حصالات او تحديات سنوية أنا راني كبيرة عليك ونحب نستفيد وبنتك لي تقرا في البليدة كفاش دايرة مع ميزانيتها تعطيها مصروف اكثر ولا دراهم خير إبني رايح لورقلة ومانيش عارفة واش نديرلو عولة موالفة ولادتي يقراو عندي في لقواط يعني ياكلو في الدار وهذا رافدة حورتو ما يعرف يطيب ماوالو
بنتي لباس عليها والحمد لله وراها مسلمة عليك أما فيما يخص ميزانيتها هي في أغلب الأحيان تقعد من شهر لشهر ونص ميزانيتها من دراهم دايرينلها مليون و200ونمدلها من المصروف تدي معاها زيت وحليب ومقارون وقاطو هذو صوالح وتلفون ديما نفليكسولها نتاع شهر مكتيفيا ڨراتوي وانترنت يعني أما بالنسبة ليك كي عاد طفل ديري حسابك ديريلو ميزانية على الأقل مليون ونص هاك وماتنسايش راهم يأكلو في ريسطو نتاع الجامعة يعني قليل وين ياكل برة وربي يحفظلك وليداتك ويفرحك بيهم وينح حيرتك
