Айттым сәлем, Қаламқас, Саған құрбан мал мен бас. Сағынғаннан сені ойлап, Келер көзден ыстық жас. Сенен артық жан тумас, Туса туар артылмас. Бір өзіңнен басқаға, Ынтықтығым айтылмас. Асыл адам айнымас, Бір бетінен қайырылмас. Көрмесем де, көрсем де, Көңілім сенен айырылмас.
. Туған жер - киелі мекенім, Бақыттың бастауы бір өзіңсің. Өзіңде өсіп мен түледім, Жүректі жарып шыққан сезімсің. Қарт Ертіс суыңнан нәр алғам, Ақбеттаудай асқақ тым арманым. Туған жер - жүректе жатталған, Мәңгілік шырқалар ән-дастаным. Қ-сы: Туған жерім менің Алтын ұя - Отаным, Туған жерім менің Сағым дала Сарыарқа! Бұл менің отаным, Құт береке - қойнауың, Бұл менің отаным, Қасиетті атамекен - Қазақстан. 2. Туған жер - жазира гүл дала, Бабалар тыныштығын күзеткен. Туған жер - таулар мен сай-сала, Аналар ақ бесігін тербеткен. Туған жер - балалық бал шағым, Қиял мен арманға қанат берген. Туған жер - ғажайып гүл бағым, Жанымды жұпарымен тербеген.
