استغفر الله الذي لا إله إلا هو الحي القيوم واتوب اليه عدد خلقه ورضا نفسه وزنة عرشه ومداد كلماته اللهم صل وسلم على نبينا محمد عدد ماذكره الذاكرون وغفل عن ذكره الغافلون أكثروا من الصلاة على النبي والاستغفار والله راح تشوفون المستحيل واقع بإذن الله اهم شي رضا الله ثم غفر الذنوب ثم تحقيق الأمنيات وعن تجربه
### يااسلااام عاشوا الطنايا شاااااش راااسي 👏👏👏👏👏👏👏👏 - كان جدي الله يرحمه ويجعله في الجنة كان يقول لي ياولدي خلك شمري يعني : خلك في الكرم والجيرة شمري .. والله ومليون نعم في قبيلة شمر قبيلة تضرب فيها الأمثال في الجود والكرم والجيرة والفزعة وشمر عرفت بالكرم يوم إنها فقر وجوع يوم الناس تآخذ لها أيام وأسابيع ماتذوق زاد وماء ، ولاهي غريبه عليهم ومن ألقاب شمر : ( أهل الجوار ) و ( أهل اللحيسة ) ( كريمين سبلا ) ( ذبّاحة العيف ) فهم أهل الجيرة الطيبة والكرم . ويكفي أن جدهم أكرم العرب قبل الإسلام الذي يضرب فيه المثل ( حاتم الطائي ) الذي مدحه النبي صلى الله عليه وسلم على مكارم أخلاقه وحسن إكرامه لضيوفه وقال عنه لو كان مسلمًا لترحمنا عليه . وأيضاً منهم الشيخ الذي يضرب فيه المثل في الكرم وصاحب المثل الشهير الملقب : ( كريم سبلا ) هو الشيخ ارحمه ابن بقار الجحيشي الأسلمي الشمري حاكم جبال شمر قديمًا . ( أجا ، سلمى ، رمان ) ومنهم الشيخ المشهور بالكرم والفارس الكريم الشيخ ( عبدالكريم الجربا السنجاري الشمري .. الملقب ( أبو خوذه ) من شدة عطاءه وكرمه .. ومنهم الرجل الكريم المعروف الشاعر : دغيّم الظلماوي الشمري ويضرب فيه المثل في كرمه وجوده قديمًا .. ومنهم الشيخ : مكازي ابن سعيد الشمري الملقب ( معشي الذيب ) الذي عشا الذيب من الغنم السمينة قديمًا .. ومنهم الشيخ الكريم والفارس : هايس القعيط الخريصي الشمري .. ومنهم أسرة آل رشيد من شمر حكّام شبه الجزيرة العربية قبل الحكم السعودي ب 200 عام وكان مقر إمارة حكمهم في قصر برزان في مدينة حائل ، وانتهى حكمهم قبل ٩٥ عام تقريبًا . وشمر معروفين بالكرم من قديم الزمان ومنهم كرماء كثيرون . - يقول الشاعر مبارك بخيت السبيعي في كرمهم : أمّا الكرم قد فاز به حاتم الطي .. حتى الفرس من شان ضيفه طعنها .. - ويقول عنهم الشاعر رويشد بن زقيحان الحنيني الحربي عندما كان في سفر وقد تعب تعباً شديداً ونزل عند رجل شمري فأكرمه الشمري أشد الإكرام واستقبله أحسن الإستقبال ومن عادة شمر أنهم يرحبون بالضيف لو كانو لا يعرفونه ولا يزعجونه بكثر الأسئلة يقول رويشد الحربي فيهم : شمر مطيرة الشعـاف الطنايـا.. بهم على كل المخاليـق نوفـي .. انشد هل العيرات لاجوا ونايـا... منهو يهلي قبل عرف الضيوفي .. أهل الصحون الشدق ماهي نسايا.. ولاّ نجيش مثل لمس الحيوفـي .. ودلالهم زين المقاعد ركايا ... ماغيبن عن ضيفهـم لايشوفـي .. فنجالهن يغدي عمـاس الخوايـا... ماهو تنيول صبهم له وقوفـي ... واركابهم من كثر الإدلا حفايـا... كم ذود مصلاحٍ غدوا به شعوفي .. ياما خذوا من مغترات الرعايـا..... عوض اهلهن صفقهم بالكفوفـي .. وأقسم برب البيت جزل العطايـا... ماقلتها دوار زاد وعلوفي ... ** وفيه قصة أخرى لرجل من قبيلة عتيبة كان في سفر طويل وأخذه التعب والجوع والعطش وكان في وقتٍ شديد الحرارة وناقته كادت أن تموت من العطش ولا لقى أحد يستقبله من بعض القبائل ودخل على واحد يقال له منيف من الصلبه ومنيف طرد العتيبي ولم يستقبله فغضب العتيبي وراح زبن عند قبيلة شمر في بلدة يقال لها : ( عدفاء ) شمال حائل فرحبوا به شمر وأكرموه أشد الإكرام واسقوا ناقته التي كادت أن تموت من العطش فانبسط العتيبي وارتاح وشبع من الزاد والماء وقال فيهم قصيدة جميلة يمدح كرم شمر وفعلهم الطيّب اللي سووه فيه : يا بكرتي وإن جفاك منـيف... تردين عذفاء على ليله .. وجهك على مكرمين الضيف .. شمــــــر ليا قلّت الحيله .. وعند الجبـــيلي يطيب الكيف .. وانتي تريحين ياشعيله .. وعدك على بركةً بالصـــيف .. أو قرمةٍ زايدن سيله .. يفرح لياشاف زول الضــيف .. ولاهو بخيلً على كيله .. لو.ندي أبا الصلب ماخــيف .. وراه كـفً وتــــرزيله .. مار البـلاء اللي وراه يخيف .. كل الرجاجيل تقني له ... يذب راس الرجل بالســـيف .. وعقبان نجدن تراعيله .. وألف نعم في قبيلة شمر الله من الطيب فيهم والكرم والنخوة والشجاعة والسطوة والطناخة ووساعة المجالس العامرة ووساعة الصدور والقدور وبيض النوايا وطيب النبا والتراحيب وبيوتهم ومجالسهم في مدينة حائل مفتوحة ٢٤ ساعة فطور وغداء وعشاء يوميّاً للضيوف من قريب وبعيد ودائمًا مجالسهم عامرة بالرجاجيل وسبحان الله طيبهم على الفطرة بدون تصنع .. ## وهذه بعض من ألقاب قبيلة شمر : ( الطنايا ) ( السناعيس ) ( أهل اللحيسه ) ( أهل الجوار ) ( الصايح ) ( الغلبا ) ( زينين المحازم ) ( الزّهيد ) ( أهل السموت كبار البخوت ) ( سلايل طي ) ( كِرام سَبْلا ) وفيهم يضرب المثل : كريم سبلا . ( كبار الصحون وساع الطعون ) ( حمّاية التالي ) ( وساع الصدور كبار القدور ) ( أهل الحميّة ) ( ذبّاحة العيف ) ( خيّالة الشعبتين ) ( معشين الذيب ) ( كبار البيوت ) ( أهل السفرة ) ( متعرضة على المعارق ) (الجمع الثقيل ) ( سودان الروس ) أجواد نسل أجواد جيلٍ بعد جيل .. الطيب فيهم من قديمٍ وتوّه .. عزالله إن شمر دولة مو بقبيلة عادية فهم تاريخ لوحدهم . والله إني أحبكم ياشمر وأحب كل قبيلة طيبة شرواكم .. .🌹❤️🌹❤️🌹❤️🌹❤️
قل لمن جاب المثايل وغنى عادتي بالقاف بدع المثايل مرحبا بالي لفانا وهنى عد ماهلت بروق المخايل يا عريس الزين جعلك تهنى بشوف ضاف الجدايل لابتي شمر هل الطيب حنا من قديمات العصور الاوايل انشد التاريخ ينبيك عنى فعل شمر له شهود ودلايل والشريف بغزوته ما تهنى يوم صكوا به سناعيس حايل حرم الغزوات يمت وطنا خص شمر من بد القبايل
حنا ولا من قلت حنا تحنا كل الكلام بعطر تاريخ الاجداد المجد هم وهام فينا وغنا حتى علينا من على روس الاشهاد يا كبر حظ الي نخانا و ثنا نشد له فوق الفخر سرج وشداد ان هلل التاريخ غطرف وطنا وان سولفو عنا رجاجيل واجواد وان بان لك شمس ترى ذيك حنا نشرق مدام الظلم ظلما وحساد يا بنت يمي كان رمشك تمنا اشق لك ثوب السماء جود وعناد واشدلك زملً جفن المعنا واسري بوجهك لاغشى وجهي سهاد يا حلو قدك يوم قدك تفنا محدا تغنى فيك من خوف الالحاد حنا البدو يابنت هذا لحنا نحب اكثر لاغدى حبك جهاد وحنا البدو يا بنت لامن نخنا بناتنا يثالث العيد الاعياد وحنا البدو يابنت وان قلت حنا فاح الكلام بعطر تاريخ الاجداد
وووونعم يجيك واحد يقول شمر وحايل شمالية ولعبهم الدحة *اتخسى* شمر وكل ديارهم حاضرة وبادية جذورهم *ننجدية* والدليل العرضة بالمقطع وكل شمر تعرض عرضة نجد والله انكم ملوك نجد ياشمر ونعم القبايل والحمايل تحياتي لكم من العوايل الشمرية بالرياض .
ما قلنا شيء يالطيب واللي ذكرته صحيح حنا لنا العرضه والسامري والهوسه بس الهوسه عندنا غير هوسة أهل العراق والعراقيين الهوسه عندنا تشبه العرضه كثيراً ولكن لحنه اللحن فيها يختلف والدحه دحة عنزه بني وايل العز وحنا وإياهم لحم ودم ونفتخر فيهم ونلعب ونطرب على دحتهم وكثيييير من المرات أشاركهم أفراحهم وألعب معهم بالدحه من معزتهم وطيب أصلهم وإن كنت ماني شمري أختار عنزي من طيبهم وغلاهم رجال وطيب وكرم بمعنى الكلمه ولا يهونون جميع قبائل المملكة العربية السعودية وشبه الجزيرة العربية لنا إخوه ورفاقه من جميع القبائل ونعم بالعرب والعروبه والإسلام الموحد لله الصحيح على منهاج رسولنا الكريم محمد صل الله عليه وسلم تحياتي للجميع
@عدزيل الشمري ههههههههههههه أسئل أبوك وأمك وإذا كان جدك على قيد الحياة يعطونك الخبر الصحيح على طول تنكر هههههههه لا تنكر شيء ما تعرفه لا وبعد تنفيه هذي المصيبه يا أخي من قال لا أدري فقد أفتى قل لا أدري أو تثبت قبل أن تتكلم وصباح الخير وسلام عليكم
هههههههه ياحليله رجع الجوال لماما يابطل قال العرضة النجدية مب لنا 😂؟ اهل حايل هم عروس الشمال *شمال نجد* واهلها ماغيرو عاداتهم مازالت العرضة بروسهم مب مثل غيرهم صارو مايعرفون الا الدبكة ومستانسين بعد وشمر مب بس حايل تلقاه فيه عوايل شمرية بالقصيم والرياض من عقب المعارك الي صارت قبل توحيد السعودية ، لكن مشكلة الي يحط براسه ان شمر بس بلعراق