Муассисаи давлатии таълимии коллеҷи тиббии шаҳри Хуҷанд ба номи Ю.Б. Исҳоқӣ (собиқ омӯзишгоҳи тиббии ш. Хуҷанд ба номи академик И.П. Павлов) таърихи зиёда аз 90 сола дошта, аз соли 1932 ҳамчун нахустин муассисаи миёнаи касбӣ оид ба тайёр намудани мутахассисони зинаи миёнаи тиб ба фаъолият пардохтааст.
Дар омӯзишгоҳи тиббӣ таълими шабона, рӯзона ва инчунин филиалҳои шаҳрию ноҳиявӣ дар назди беморхонаҳо ташкил карда шуда буданд. Заминаи моддӣ-техникии омӯзишгоҳ тадриҷан беҳтар шуда, рӯз то рӯз обод мешуд. Алахусус баъди соҳибистиқлолии ҷумҳурии азизамон тараққиёт дар тамоми ҷабҳаҳои ҳаёт мушоҳида мешуд. Соли 1978 Ҳамдам Рофиев роҳбарии Омӯзишгоҳи тиббии шаҳри Хуҷандро ба ӯҳда гирифт. Давоми 16 соли кор омӯзишгоҳ дар байни таълигоҳҳои миёнаи махсуси давраи шӯравӣ аз татбиқи тарзу усулҳои беҳтарини таълим ва пешбурди кори таълиму тарбия дар ҷои аввал қарор дошта, онро чун мактаби таҷрибаи пешқадам дар собиқ Иттиҳоди Шӯравӣ мешинохтанд.