لا اله الا الله وحده لاشريك له له الملك وله الحمد يحيي ويميت وهو على كل شيء قدير:سبحان الله وبحمده:سبحان الله العظيم:استغفر الله:لاحول ولا قوة الا بالله: صلِّ علىٰ محمد.
اول قبول الهرج في جنابه السرد الكثير لن اختصارك للكلام الذرب يرفع مستواه يا راكب اللي يوم حنت و استدارت للمطير ما عاد يلحقها من الودّاع مضمون الوصاه كن نفثها يوم احتمت الاميال في مشع الغثير مثل انفذانه ميبر النداه في صوف العباه يا كبتن اسمع من بيوت الوصف لوكيشن مسير اليا اعتلينا الخرج و ارجائه وقدنا في فضاه خلها تحول في مدرج ساحه القصر الكبير على نصع نورٍ يعمّد في سما الكوره سناه قال انت صاحي!مايصير قلت لابالله يصير توك مقرٍ تاسع ركونه وسايل من نصاه قصر الامير اللي ليا من قلت امير فهو الامير اللي على بابه مدار العلم ياصل منتهاه ما تل زعجول المثايل من قفور الصمت غير ابن علمان اللي معاريفه تندي بالجباه بعلمه عن ما يجول القلب و يكن الضمير من كبر مقداره و من طيبه و من صادق غلاه في المجلس اللي سقفه مقوس و قاعه مستدير وابيض يشادي كوكبٍ حول فالارض من عالي سماه اللي عليه من الزمن واطي يشوفه باب خير واللي عليه السيف لامن قام رده للحياه ما شلشلن مثله ذوات الخصر و الطرف الخدير في ناشيه جيله و جيلٍ قبله و جيلٍ وراه من ذعذعت له من صخا يمناه نودٍ من عبير والله ان يرد الصوت بالعرفان لو انه حصاه مزن ربابينه ليا من هلت الجود الغزير شق الوطا شق يشوجر منبته ما جف ماه يشرف التاريخ سيره صاحب المجد الشهير و يعجّز المطنوخ ممشى خطوتين من خطاه من عزوه لا استوقد المركاض فالكون المغير ما لاشجع الفريس من سطوة هناديهم نجاه لاد الحريجي راسمين الشوف في عيون الضرير عشّاقه النيعوم لا قلّوا مع الوقت اعشقاه يوم المراجل مخذها عسر وراعيها عسير إلهم على ما يرفع الهامه مقاليط و جراه مني عليه سلام ما لعداده حصير لا غرد اللي مستهبه من شذا الغربي هواه ولا الثنا والمدح و العرفان والشكر الغفير والله ما تاصف حجم مقداره ولا تلحق جزاه