Олунньу ый 13 күнэ - төрөөбүт тыл уонна сурук-бичик күнэ! Бу күн сахалартан бастакы тыл үөрэхтээҕэ, сахалыы маассабай суругу-бичиги төрүттээбит бастакы учуонай-лингвист, талааннаах педагог уонна общественнай деятель, илиҥҥи омуктары чинчийээччи, тюрколог, монголист Сэмэн Андреевич Новгородов аатын кытта быһаччы сибээстээх. Саха Сирин бастакы Президенэ М.Е. Николаев 1996 сыл олунньу 9 күнүнээҕи 1294 №-дээх «Төрөөбүт тыл уонна сурук-бичик күнүн биллэрии туһунан» Ыйааҕыгар олоҕуран, С.А. Новгородов төрөөбүт күнэ - олунньу 13 күнэ - Төрөөбүт тыл уонна сурук-бичик күнүнэн биллэриллибитэ.
Бу күн чэрчитинэн М.К. Аммосов мемориальнай музей-дьиэтигэр арыллыбыт «Чолбон” сурунаал төрүттэммитэ 95 сылыгар аналлаах «Күн - сири, Чолбон - саханы сырдатар» быыстапканы «Чолбон” сурунаал бас эрэдээктэрэ, Саха сирин суруйааччыларын сойууһун бэрэссэдээтэлин солбуйааччыта, бэйиэт, публицист Гаврил Андросов кэпсиирин көрүҥ.
12 сен 2024
