"Халқаро пресс клуб" да ўтказилган брифинг
"Ўзбекистон 24" телеканали
Андижондаги фожеа ошкор бўлгани ҳамоно жамоатчилик томонидан Ички ишлар вазирлиги раҳбарияти расман узр сўраши, ҳатто вазир истеъфо бериши кераклиги мазмунидаги фикрлар янграган эди.
Куни кеча одил судловни таъминлаш ва коррупцияга қарши курашиш борасидаги вазифалар муҳокамасига бағишланган видеоселектор йиғилиши мамлакат Президенти Андижон ва Чироқчида ИИБ ходимлари қийноқларидан икки инсон вафот этганини тилга олиб, тизим раҳбарларини қаттиқ танқид қилар экан, бунинг халқдан нима учун расман кечирим сўрашмаганини катта савол қилиб қўйди.
Бугун андижонлик ИИБ ходимларининг шафқатсизлиги натижасида ўлим топган фуқаро, мазкур ҳолат бўйича қўзғатилган жиноят ишига бағишланган Халқаро пресс-клубнинг навбатдаги сессиясида кўпдан кутилган расмий узр, ниҳоят, янгарди. Расмий узрни Ички ишлар вазири шахсан ўзи эмас, унинг матбуот котиби сўради: «Андижонда бўлган ҳолат юзасидан ҳар бир айбдор жавобгарликка тортилади ва тизимимизни шаффофлаштирамиз. Ҳолат юзасидан барчадан узр сўраймиз», деди у.
Агар каналимиздаги видео Сизга ёққан бўлса ЛАЙК босинг ва каналимизга аъзо бўлиш учун "ПОДПИСАТЬСЯ" тугмасини босишни унутманг!
Манба: Ўзбекистон Миллий Телерадио Компанияси.
www.mtrk.uz
4 окт 2024
