Набий соллаллоҳу алайҳи васаллам: “ Менга жума кунида ва жума кечасида кўп саловот айтинглар, бас ким шундай қилса, мен унга қиёмат куни гувоҳ ва шафоатчи бўламан”, дедилар. (Ибн Ҳузайма ва Байҳақий Анас розияллоҳу анҳудан ривояти)
Эй Раббимиз! Бизни севикли Пайғамбаримиз соллаллоҳу алайҳи васалламга салавот айтишда бардавом айла! Бизларни ва иймон билан ўтган жамиъи бандаларингни афв эт, мағфират қил ва раҳмат қил! Бизларни охират оламида севикли Пайғамбаримиз соллаллоҳу алайҳи ва салламнинг шафоъатларига, муборак дийдорлари ва суҳбатларига мушарраф айла!
ЮЗТА САЛАВОТ АЙТГАН КИШИНИНГ ЮЗТА ЭҲТИЁЖИ РАВО БЎЛАДИ Ҳазрати Анас ибн Молик (розияллоху анху) ривоят қилдилар; Жаноби Расулуллоҳ соллаллоҳу алайҳи ва саллам айтдилар: «Қиёмат кунида ҳар манзилда менга энг яқин бўлганингиз дунёда менга энг кўп салавот айтганингиздир. Кимки жумъа кунида ва жумъа кечасида менга салавот айтса, Аллоҳ таоло унинг юзта эҳтиёжини раво қилади: етмиштаси охират ҳожатларидан бўлиб, ўттизтаси дунё ҳожатларидандир. Сўнг Аллоҳ таоло бу ишга бир фариштани вакил қилади, у, худди сизларга ҳадялар кириб келганидек, менинг қабримга кириб келади ва менга салавот айтган кишининг хабарини айтади, унинг исмини, насабини, то қайси қавмдан эканигача маълум қилади. Мен уни оппоқ саҳифага қайд этиб қўяман" (Имом Байҳақий, «Шуъабул-иймон"; «Ромузул-аҳодис", 116-саҳифа, 9-ҳадис).