Жаңа Қазақстанның министрлері мен депутаттары қисық сөз айтып күлдіруге жақын болып барады. Мәселен, мәдениет министрі Бозжыра туралы сұрақ қойылғанда бір емес, бірнеше рет тілшіге «Сіз астында болдыңыз ба? Әлде үстінде ме?» деп кері сауал қойған еді. Сенатор Нұртөре Жүсіп те «референдумнан кейін не болады?» деп сұраған тілшіге, 6-шы маусым болады деп күлкіге қарқ қылды.
Мәдениет министрі Дәурен Абаевтың Бозжыра шатқалына қатысты журналистің қойған сұрағына дәл осылай кері сұрақ қойып, оны бірнеше рет қайталауы әлеуметтік желіде қызу талқыланды. Тілшінің сөзін қайта-қайта бөліп, министрдің әңгімені әзілге айналдырған сәтін о баста көпшілік күлкімен қабылдаған. Дегенмен, Абаевтың бұл әрекетін ерсі көргендер де аз болмады. Дәл сол күні Абаев әріптесмізіден кешірім сұрағаны туралы материал шықты.
Ал, бұл - Қазақстан Республикасы Парламенті сенатының депутаты Нұртөре Жүсіптің жауабы. Өзі де бұрын қалам тербеп, тілші болған аға буынның жас журналиске бұлай жауап бергенін көпшілік құптай қоймады. Ал, төменгі палата депутаты Айбек Паяев мемлекеттік қызметкерлер мен депутаттардың мәдениетті болғаны дұрыс дейді.
АЙБЕК ПАЯЕВ, ҚР Парламенті мәжілісінің депутаты:
- Бізде жалпы, әрине этика деген заң. Өзіңіз білесіз. Бұл мемлекеттік қызметке байланысты. Жалпы, біз де халықтың өкілі болғандықтан міндетті түрде этиканы сақтап, сапалы дұрыс әңгіме айтуымыз керекпіз ғой. Өйткені, кейде шығып кетіп жатады. Ашу айқаймен. Эмоциямен.
Жалпы, парламент қабырғасында қисынсыз әзілден бөлек құлаққа түрпідей тиетін мақал-мәтелдер де айтылып жүр. Мәселен, Қазақгаз компаниясының басшысы 100-ге жуық депутаттың көзінше былай деген еді.
Мәжіліс төрағасы Ерлан Қошанов та әзілден алыс емес. 3 ай бұрын ғана депутат болған Саясат Нұрбекті шығарып саларда мәжіліс залын күлкіге қарқ қылды.
ӨМІР СЕРІКБЕКҰЛЫ, Тілші:
- Үкімет үйі мен парламент қабырғасындағы ерсі мақал, журналистердің сұрағына айтылған қисық жауаптар осы айдың басынан бері жиналған жағдайлар. Жаңа Қазақстанды құруда шенді-шекпенділер шаршап жүр ме? Әйтеуір, тілші қауымына осылай жауап беру жиіледі.
Өмір Серікбекұлы, Нұркен Тоқмурзин
Бізді әлеуметтік желіде оқыңыздар:
RU-vid - / @informburo31kanal
Facebook - / informburo31
Instagram - / informburo31
Vkontakte - informburo31
TikTok - www.tiktok.com/@informburo31
WhatsApp Информбюро +7 777 331 31 31
#этика #әдеп #әзілкеш_министр #Абаев
14 июн 2022