Көрермен көзайымына айналған «Шіркін, life» реалити-шоуының мақсаты - жастарды ауыл өміріне, киелі мекенге тарту, ең бастысы халқымыздың сан ғасырлық мұрасы салт-дәстүрі мен әдет-ғұрпын насихаттау.
Жоба шарты: Екі топқа бөлінген 8 өнер жұлдызы Алматы облысындағы Үмбетәлі ауылында «байланыс аясынан тыс жерде» өмір сүреді. Яғни олардың қолдарында ешқандай заманауи техника, байланыс құралдары, интернет пен ұялы телефон да болмайды. 10 күн бойы қалалық өмірді ұмытып, ауылдың алаңсыз тірлігіне етене араласуы керек. Бұл жерде елдің көз алдында өнер иелерінің ауыл өміріне бейімделе алатынын әрі қаншалықты төзімді екендерін байқауға болады.
Жоба қатысушылары: Бейбіт Қорған, Ақылбек Жеменей, Асыл Беделхан, Айкерім Қалаубаева, Алмас Кішкенбаев, Динара Қырықбаева, Нұржан Керменбаев, Салтанат Бақаева.
Әнші Алмас Кішкенбаевтың қой қырқып, шөп шауып, кірпіш құйғанын немесе қалада өскен ақсаусақ, әкесінің ерке қызы Динара Қырықбаеваның сиыр сауғанын көз алдыңызға елестетіп көргілеріңіз келе ме? Ақылбек Жеменей ат ерттейді, Айкерім Қалаубаева жүн түтеді, Бейбіт Қорған қамшы өреді. Иә, олар құрт та жаяды, нан да пісіреді, қазы да айналдырады, кесте де тоқиды.
Ендеше «Шіркін, life» реалити-шоуын тамашалаңыздар!
#Шіркінlife #БейбітҚорған #АқылбекЖеменей #АсылБеделхан #АйкерімҚалаубаева #АлмасКішкенбаев #ДинараҚырықбаева #НұржанКерменбаев #СалтанатБақаева
23 авг 2024
