Алматы облысында бесінші қаңтар күні тапа-тал түсте оқ тиіп қаза болған 21 жастағы Олжас Әлімжанұлының денесін жақындары мәйітханадан алып, арулап көмген. Ал кеше онсыз да ұлдарынан айырылып, қайғы жұтып отырған Олжастың ата-анасы жәйсіз хабар естіп, төбелерінен жәй түскендей болды. Өйткені, әлі топырағы кеппеген марқұмның мәйітін полицейлер қайта қазып алып, сараптама жүргізетінін айтыпты. Олжастың денесін аларда мәйітханадағылар мүрдені тексеріп, өз қолдарымен тапсырды деген марқұмның әкесі "баламның қабірін қазғызбаймын" деп отыр.
Олжас Әлімжанұлы бесінші қаңтар күні түскі сағат 2-лер шамасында үйдегілеріне "жұмысқа барып келемін" деп кеткен. Ол «Алтын Орда» базарындағы дүңгіршектердің бірінде ұялы телефонның бөлшектерін сатумен айналысқан. Бірақ көп ұзамай ата-анасына Олжасқа оқ тиіп, ауруханаға түскендігі жөнінде хабар жеткен. Жақындарының айтуынша, оқ Олжастың жамбасына тиген. Алайда оған нақты кімнің және қай жерде қару атқанын білмейміз дейді.
ӘЛІМЖАН СӘБЕНҰЛЫ, марқұмның әкесі:
- Енді бұлардың келіп мәйітті ашып, мен мүлдем қосылмаймыз 100 пайыз. Әрқандай нәрсеге баруға дайынмын. Өлуге де бәріне бармын. Ешқандай аштыра алмаймын.
Марқұмның әкесі баласын Жамбыл ауданындағы Ақсеңгір ауылына жерлейтінін ауыл әкіміне де, дәрігерге де ескерткендерін айтады. Мәйітханада мүрдені тексеріп өздері қолымызға берді дейді. Ал марқұмның жақындарына өзі келген Жамбыл аудандық Полициясының бастығы Айдар Омаров мүрдені қазып, сараптама жасаймыз дейді.
АЙДАР ОМАРОВ, Жамбыл аудандық Полиция басқармасының бастығы
- Сіздерден рұқсаттарыңыз керек. Бізде аудандық соттың қаулысы бар. Ол ертең бәрібір сұрақ туындайды. Күдікті адамды ұстау керек қой. Қазір енді көміп қойдыңыздар. Бізге эксперттер керек, толық құжат керек. Сол аға.
Олжас бір үйдің жалғыз ұлы екен. Артынан ерген қарындасы ғана бар. Ал, облыстық полиция департаменті мәйітке сараптама жасалмаған, қаза тапқан азаматтың қайтыс болу себебін анықтау үшін эксгумация қажет дейді.
Бізді әлеуметтік желіде оқыңыздар:
RU-vid - / @informburo31kanal
Facebook - / informburo31
Instagram - / informburo31
Vkontakte - informb...
TikTok - www.tiktok.com/@informburo31
WhatsApp Информбюро +7 777 331 31 31
#эксгумация #қайғылы_жағдай #қаңтардағы_қақтығыс
6 окт 2024