Осы бағдарламаны @kuralay_hanum үшін қараймын. Қазақтың көптеген кыз-келіншектеріне қанат бітіріп, биікке қол жеткізу үшін, жалғызбасты немесе үлкен қалаларда ғана тұру керек еместігін, əлде бай-бағбанның қызы немесе көңілдесі болудың да керек еместігін дəлелдеген нағыз SELF-MADE АДАМ. Талай еңбектеп жүрген қыздарымыздың еңсесін көтеуіне, бықсып жана алмай жүрген шоқтардың лаулап жануына қол ұшын тигізген НАҒЫЗ ҚАЗАҚ ҚЫЗЫ. Қоғамдағы, отбасындағы ƏЙЕЛ ролін, демографияға үлес қосу жəне көпбалы отанасының ролін айқын сомдай алған, рухани дұрыс көзқарас-пікірлер қалыптастыруға бағыт бере алған ХАЛЫҚТАН ШЫҚҚАН ҚАЙРАТКЕР. Сондықтан, телевидениеде нағыз қарапайым халықтың тұрмыс-тіршілігімен, өткір проблемаларын жетік білетін, (кейде аспаннан түскендей болып отыратын кейбір журналистер мен депутаттар сияқты емес), бүгінгі күні қара халықты не қызықтырып, рухани жаңғыруда қандай жолдың дұрыс екенін өз тəжірибесінен білетін, қарапайым ауыл əйелінен қоғам мұңын мұңдап, жырын жырлай алатын БҮГІНГІ КҮННІҢ БАТЫРЛАРЫ көп болса, түтініміз түзу түтейтініне сенімдімін. Əсіресе, қазақ қыздарына дұрыс бағдар беріп, үлгі бола алатын адамдар болғаны қуантады. Ел болам десең - бесігіңді түзе демей ме атам қазақ. Ал, қоғамда əйел түзелмей, бесіктің түзелмейтіні хақ.