Հայ ժողովրդական հարսանեկան «Թագվորագովք» ( 00:00 ), «Գացեք բերեք» ( 02:43 ) և «Թագվորի մեր, դուս արի» ( 04:20 ) երգերն են՝ «Սասուն» անսամբլի կատարմամբ: Գեղարվեստական ղեկավար՝ Անդրանիկ սարկավագ Մանուկյան: Գործիքավորումը՝ Գարեգին Առաքելյանի: Խմբավար՝ Լիլիթ Սաֆարյան:
Armenian folk wedding songs "Tagvoragovq", "Gatseq bereq" and "Tagvori mer dus ari" performs "Sassoun" ensemble. Art director Andranik diakon Manukyan. Arrangement by Garegin Araqelyan. Choirmaster Lilit Safaryan.
Երգի խոսքերը՝
1.
Ծառս ծաղկեցավ, ծաղկեցավ,
Ծառ կայնեցավ,
Կանաչ ու կարմիր մեր թագավորն էր:
Ծաղիկ բացվեցավ, բացվեցավ,
Վառ ծաղկեցավ,
Անթառամ ծաղիկ մեր թագուհին էր:
Թագվոր բարով, հազար բարով,
Կարմիր ծաղիկ՝ տերևներով,
Աստվածածին արևդ օրշնե,
Դու վարդ իս բացված՝ թփերով:
Մեր թագվորն էր աջ, աջոց խաչ ու մաչ,
Խաչկապն էր կարմիր, արևն էր կանաչ:
Մեր թագվորը ի՞նչ պիտ աներ,
Որ թագը շուռ գա,
Շուռ իգա, շուռ-մուռ իգա,
Պարով թագուհին տուն իգա:
2.
Գացեք բերեք զգութան չոլէն,
Բերեք դըրեք դարբաս խանէն,
Զընթրիք զըրգունք սուրբ սեղանէն,
Օրշնինք զթագվոր, զուր թագուհին:
Գացեք բերեք զկըռունկ չոլեն,
Թող գա նըստի դարբաս խանէն:
Զընթրիք զըրգունք սուրբ սեղանէն,
Օրշնինք զթագվոր, զուր թագուհին:
Նոյ նահապետ նստե գյամին,
Ուր ձեռ առէ հացն ու գինին:
Օրշնինք զթագվոր, զուր թագուհին:
Խերն ու բարին մեր թագվորին:
3.
Թագվորի մեր, դո՛ւս արի, տես՝ քե ինչեր ինք բերի,
Օրդակ ու ղազ ինք բերի, լեզուն տաս գյազ ինք բերի:
Թագվորի մեր, դո՛ւս արի, տես՝ քե ինչեր ինք բերի,
Էլուր մաղող ինք բերի, խըմոր հունցող ինք բերի,
Թագվորի մեր, դո՛ւս արի, տես՝ քե ինչեր ինք բերի,
Քե վարդ, ռեհան ինք բերի, սարու կաքավ ինք բերի,
Սարու կաքավ ինք բերի, քե խորոտ հարս ինք բերի,
Քե խորոտ հարս ինք բերի, թոռներ շարող ինք բերի:
21 июн 2016
