Նորարափորձառական արվեստի կենտրոնի Ալտերնատիվ արվեստի ամենամյա 28-րդ փառատոնը նվիրված է նշանավոր գրող, թարգմանիչ, գրականագետ, հասարակական գործիչ Զապել Եսայանին։
Փառատոնի շրջանակներում անդրադարձներ է եղել գրողի գրական ժառանգությանը, հայ գրականության ու մշակույթում ունեցած նրա դերակատարմանը։ ՆՓԱԿ նախագծերի համակարգող Արամ Զուրաբյանն ասում է շուրջ 20 միջոցառում նվիրվել է Զապել Եսայանին․ դասախոսություններ, արվեստային զրույցներ, հանդիպումներ կին հեղինակների հետ, անդրադարձներ ստեղծագործություններին և այլն։
Արամ Զուրաբյանը և գրականագետ Հասմիկի Հակոբյանը, խոսում են մեր օրերում Զապել Եսայանի անձի ու ստեղծագործության ներկայության, փառատոնային ծրագրում գրողի ներկայացվածության մասին։ Հասմիկ Հակոբյանը հետազոտել է գրողի Նամականին։ Խոսելով նամակներից ունեցած իր տպավորությունների ու բացահայտումների մասին նշում է գրողի ուժեղ, սկզբունքային, չհանձնվող անհատականություն լինելու մասին։
Ասում է՝ գրել է այն, ինչ ապրել է։ «Այն ինչ տեղ է գտել նամակներում, հետագայում մշակվել խմորվել են իր գեղարվեստական ստեղծագործություններում», - ասում է Հասմիկ Հակոբյանը։
Կ․Պոլիս, Ֆրանսիա, Խորհրդային Հայաստան․ այս երկրներում ու միջավայրներում է սկզբնավորվել ու ձևավորվել գրողի կյանքի կարևոր փուլերն ու ողբերգական ավարտը։
Գրականագետը նշում է, որ Զապել Եսայանն ավելին է, քան իր գործն է և դեռ շատ բացահայտելու շերտեր կան։ Ալտերնատիվ արվեստի փառատոնը ՆՓԱԿ-ում կշարունակվի մինչև մայիսի 23-ը։
12 май 2024
