Қорыққан болар соттап жіберет деп, Афганда солай көп Орыс жігіттері солай хабар ошарсыз кеткен ғо, Амалсыздан мұсылман дінін қабылдап сол жақта үйленіп қалып қойған, Аты жөндерін өзгертіп, Ютубта барғо жаман қиын жағдай, Басқа бермесін.
28 ЖЫЛДАН КЕЙІН ТАБЫЛҒАН САРБАЗ 17.04.2024 ж. Қызылқоға ауданына соның ішінде Ойыл ауылдық округі Жасқайрат ауылы тұрғындарына, сонымен қатар Қызылқоға аудандық қорғаныс істері жөніндегі ұжымға (бұрынғыша райвоенкомат) қуанышты күн болып саналады. 1996 жылы күзде Әскери борышын өтеуге кеткен Жасқайрат ауылының тұрғыны 1977 жылы туған Қозыбаев Бейбіт Алтайұлы өзі қызмет етіп жатқан әскери бөлімді өз бетімен тастап кетіп,(СОЧ) 28 жылдан бері әлі күнге дейін қайда жүргені белгісіз болып келген еді. Анасы Маржан аудандық қорғаныс істері жөніндегі бөлімге мен қызмет еткен 2009 жылға запасқа шыққанға шейін, баласының хабарын білгісі кеп, райвоенкоматқа айына бір рет соғып тұрды, «Бармысың бауырымға» дейін барып іздеу салған болатын. Бейбіт әлеуметтік желі Тік-Ток арқылы кластас құрдасына хабарласқаны кеше бір күнде аудан тұрғындарына тез тарады. «Аман ердің аты шығады» деген, 28 жылдан кейін әлеуметтік желі арқылы құрдастарын сұрап арқа жарқа болған 48 жастағы Бейбітті көргенде әскери борышын өтеуге жіберген аудандық әскери комиссар ретінде, райвоенкоматтың есігіне баласын іздеп, талай келген анасы Маржанның алдында мойнымнан ауыр жүк түскендей жеңілдеп қалғандай болдым. Бейбітті іздеп, жазған хаттың өзі бір үлкен папкаға татырлық іс болған еді. Әке-шешесі Алтай мен Маржанның көзі тірісінде табылып, өзінің айтуынша 4 балалы болған Бейбіттің туғандарына аман есен қосылуларына тілектеспін. Оның осы уақытқа дейін қайда жүргені маған белгісіз, өмірдегі соқпақты қилы тағдыр ғой. Анасы Маржанның ұлы Бейбітті маңдайынан иіскеп, баласын тауып, сарғайған аналық сағынышын басқанының өзі неге тұрады... Қорғаныс саласының ардагері Есенбай Сәмекұлы Нұр 18.04.2024 ж.
