“Tərtər rayonunun işğaldan azad edilmiş Talış kəndinə keçmiş məcburi köçkün olan 20 ailədən ibarət 90 nəfər öz torpağına, dədə-baba yurduna qayıdıblar. Təbii ki, 3 il öncə biz müzəffər Ali Baş Komandanın rəhbərliyi altında rəşadətli ordumuzun qazandığı zəfərin sevincini yaşayırdıqsa, bu gün artıq həmin zəfərin nəticəsi olaraq, işğaldan azad olunmuş ərazilərimizdə bərpa-quruculuq işlərinin və keçmiş məcburi köçkün soydaşlarımızın qayıdış təntənəsini, böyük sevinc hissini qeyd edirik. Talış kəndi istər siyasi, istər tarixi, istərsə də özünün füsunkar təbiəti baxımından Azərbaycan üçün olduqca mühüm əhəmiyyət kəsb edən bir ərazidir. Bu gün Qarabağımızda daha 20 ocağın öz dağmaları ilə isinməsinə şahidlik edirik. Daha 20 evdə yanacaq çırağın işığının sevincini yaşayırıq. Bura köçürülən keçmiş məcburi köçkünlər Bakı şəhəri, Bərdə, Samux, Goranboy və Tərtər rayonlarında müvəqqəti məskunlaşmış soydaşlarımızdır”.
Məcburi köçkün soydaşlarımız ailə tərkibinə uyğun olaraq 2, 3, 4 otaqlı fərdi evlərlə təmin olunublar. Onu da qeyd edim ki, Talış kəndi ən müasir tələblər səviyyəsində yenidən qurulub, cənab Prezidentin tapşırığına əsasən, bütün zəruri sosial-texniki, infrastruktur ilə təhciz olunub. Burada məktəb, uşaq bağçası, xeyir-şər evi və inzibati binada anadlaşdırılma işləri aparılıb”
2 июл 2023