Uşaqlar qatarlarımızla hər gün daşıdığımız 30 mindən çox sərnişin arasında xüsusi yer tutur.
Onlar üçün rahat və təhlükəsiz səyahət təmin etməklə yanaşı, uşaqların iştirakı ilə ilboyu təhlükəsizlik haqqında maarifləndirici görüşlər və tədbirlər, müxtəlif layihələr çərçivəsində qatarlarımızla səfərlər, muzeyimizə ziyarətlər təşkil edirik.
1 iyun Beynəlxalq Uşaqların Müdafiəsi Günü münasibətilə bu dəfə ADY-nin qonağı şəhid və Vətən müharibəsi iştirakçılarının övladlarından ibarət "Əmanət" xor qrupunun üzvləri olub.
Aralarında müharibə iştirakçısı olan dəmiryolçuların övladlarının da yer aldığı balaca fidanlar əvvəlcə qatarımızla Sumqayıtdan Bakıya rahat və təhlükəsiz səfər edib, ardınca ADY muzeyini ziyarət edərək əyləncəli vaxt keçiriblər.
Bütün uşaqların bayramını təbrik edir, onlara sağlam və xoşbəxt gələcək arzulayırıq.
#ady #azərbaycandəmiryolları #UşaqlarGünü #GələcəyinUlduzları #childrensday
18 сен 2024
