@dyantugur8201
KƏBİRLİ - Beyləqan rayonunda kənd. Kəbirli və Xaçınabad kəndlərinin daxil olduğu Kəbirli inzibati ərazi dairəsinin və eyniadlı bələdiyyənin mərkəzi. Bakıdan 300 km məsafədə, rayon mərkəzindən 18 km şimal-qərbdə, Mil düzündədir. Şimal rayonun Baharabad şimal-şərqdən Təzəkənd, cənubdan və cənub-qərbdən Haramı düzü, qərbdən Günəş, şimal-qərbdən Örənqala kəndləri ilə həmsərhəddir. Sahəsi 3515 ha. Ondan dövlət mülkiyyətində 76,5 ha, bələdiyyə mülkiyyətində 776,3 ha (o cümlədən bələdiyyənin ehtiyat fondu 88, perspektiv inkişaf fondu 53, örüş 25,8, mal-qara üçün ümumi istifadədə olan örüş 103, suvarma kanalları və arxlar 134,6, kollektor-drenaj şəbəkəsi 173,1, ictimai tikinti 42,2, kənd altında ümumi istifadə olan 50, yollar 74,1, məktəb 7, qəbiristanlıq 13, meşə zolağı 1,5, qobu 9, qamışlıq, bataqlıq, göl 2 ha) xüsusi mülkiyyətdə 2662,2 ha (o cümlədən özəlləşdirilən torpaqlar 2477, həyətyani 185,2 ha) torpaq sahəsi var. Hər nəfərə 0,66 ha pay torpağı bölünmüşdür. Təsərrüfatların sayı 1070, ailələrin sayı 882, əhalisi 4359 nəfərdir (2009). Əhali pambıqçılıq, taxılçılıq, əkinçilik və heyvandarlıqla məşğuldur. 2 orta məktəb, mədəniyyət evi, 2 kitabxana, tibb məntəqəsi, poçt, ATS, süd emalı sexi, 2 un dəyirmanı, 20 ticarət və ictimai-iaşə obyekti var. Tarixi abidələrdən qədim Beyləqan şəhərinin qalığı olan Örənqala xarabalığı və Hacı Seyid Əli Ağa məscidi göstərilə bilər.
Tarix. Toponim türkdilli qədim xəzərlərin kəbər (kəbirli) tayfasının adı ilə bağlıdır. Xəzərlərin eranın əvvəllərindən bəri Albaniya “Qafqaz” ilə əlaqələri və erkən orta əsrlərdə buraya dəfələrlə xəzər ailələrinin köçürülməsi məlumdur. Kəbirlilər Azərbaycanda, xüsusilə Qarabağ zonasında qədimdən məskundur. Xanlıqlar dövrundə Kəbirli mahalı da mövcud idi. Kəbərri (Cavad qəzası) və Gendə-Kəbərri (yəni Aralı Kəbərri; Ərəş qəzası) yaşayış məntəqələri, Kəbərli hidronimi (Cavanşir qəzasi) də kəbirli etnonimi ilə əlaqədadır. Azərbaycan tarixçisi Mirzə Adıgözəl bəy kəbirlilərin Qarabağın qədim tayfalarından biri hesab edir. XIX əsrin sonlarında kəbirlilər 4 qoldan (qərvəndli, qızılməhəmmədli, arıqməhəmmədli və ulubabalı) və 36 nəsildən ibarət idi. Yerli məlumata görə, Kəbirli kəndinin əsası da Kəbirli tayfası tərəfindən qoyulmuşdur. Kənd Ağcabədi rayonunun Kəbirli kəndindən köçüb gəlmiş ailələr tərəfindən salınmış (1938), Voroşilov adlandırılmışdır. Sonralar kəndin adı dəyişdirilərək Kəbirli adlanmışdır (1957). Tarıxı yerlərdən Seyid Əli Ağa ziyarətgahı var. İbrahim Kəbirli, Zümrüd, bu kəndin yetirmələridir. Birinci Qarabağ müharibəsində 25 nəfər iştirak etmişdir, 9 nəfər şəhid olmuş, 7 nəfər əlil olmuşdur, 15 nəfər veteran var. İkinci Qarabağ müharibəsində 250 nəfərə yaxın iştirak etmişdir, 17 nəfər şəhid olmuş, 50 nəfərə yaxın əlil olmuşdur.
Fərzəliyev Məmmədyar Səfəralı oğlu -1992
Rəhimov Vüqar Kamal oğlu - 1992
Çodarov Aydın Novruz oğlu - 1992
Əliyev Mehdi Qəzənfər oğlu - 1993
Əliyev Eldar Əkbər oğlu - 1992
Hacıyev Etibar Yasib oğlu - 1992
Zamanov Qorxmaz Məhəmməd oğlu - 1992
Zeynalov Qabil Abbas oğlu - 1993
Rəhimov Nahid Tanrıverdi oğlu - 1996.
Əliyev Mahir Əjdər oğlu - 2020
Vəlişov Zahir Arif oğlu - 2020
Quluyev Elnur Sərdar oğlu - 2020
Tağıyev Anar Zakir oğlu - 2020.
Əliyev Araz Aydın oğlu - 2020
Əsədov Saleh Səməd oğlu - 2020.
Yusifli Müzəffər Ziyəddin oğlu - 2020
Rəhimov Ruslan Tanrıverdi oğlu - 2020
Rüstəmov Elnur İsmayıl oğlu - 2020
Həsənov Hafiz Saleh oğlu - 2020
Yusifli Böyükağa Elburus oğlu - 2020
Həsənov Pərviz Yolçu oğlu - 2020
Abbasov Şamxal Xasay oğlu - 2020
Həsənov Ərəsdun Əfşan oğlu - 2020
Abdullazadə İmaməddin Əsgər oğlu - 2020
Rzayev Qəhrəman Bəhmən oğlu - 2020
Həsənov Famil ŞirAslan oğlu - 2020
11 апр 2021
