Vaxtınız xeyir, videonu izlədiyiniz üçün öncədən təşəkkür edirəm! Kanalıma abunə olsanız çox məmnun olaram. Lütfən, əməyimə dəyər olaraq bəyənmə düyməsini tıklamağı unutmayın.
Dərin Hörmətlə: Zabir Əliyev /ZABİRBAYCAN/
Sən elə bir fəsilsən ki...
Sən səmada bir ulduzsan,
Mən isə ay, tənha yenə.
Gözləyirəm gecəni ki,
Parlayasan baxam sənə.
Sən yağışsan buludlarda,
Mən bir yağış sevən uşaq.
Yağmırsan heç, küsdürmüsən,
Yağ şiddətli, yağ, barışaq.
Sən səmada isti günəş,
Mən torpaqda soyuq qaram.
Razıyam çıx ərit, təki,
Görüm səni, darıxıram.
Sən dənizdə zərif dalğa,
Mən sahildə gözləyirəm.
Mənə sarı yönəl deyə,
Fırtınalar istəyirəm.
Sən elə bir fəsilsən ki,
Nə soyuqsan, nə də isti.
Hər bir şeyin əla, gözəl,
Mənsizliyin bircə pisdi.
Sən yuxusan gecələrdə,
Mən gündüzlər həsrət sənə.
Gecə ola kaş həmişə,
Görünəsən hər an mənə.
Bilsəm ki, son günümdəsən,
Mən ölümə tələsərəm.
Çıxıb bütün yoldan, izdən,
Bircə sənə yol gələrəm.
Müəllif: Şahin İsmayıl
1 июн 2024