/ omarqurbanov34
►facebook
/ region-34-292839349187871
►Kanalımıza Abunə Olun Əziz Dostlar
/ @region34
►Səsləndirdi: Lamiyə Qaraxova
►Şəhidimiz Səfərov Əfəndi Cahangir oğlu 1 yanvar 1996-cı il tarixində Qax rayonunun Qaxbaş kəndində anada olmuşdur.2002-ci ildə Qaxbaş kənd 2 saylı tam orta məktəbində 1-ci sinifə gedir.Orta təhsilini 2007-ci ilin 15 sentyabr tarixindən etibarən Qax rayonunda fəaliyyət göstərən Respublika Olimpiya İdman Liseyində davam etdirir.Əfəndi idmanın futbol növünə xüsusi maraq göstərmiş,bir çox idman yarışlarında fəxri fərman və medallarla təltif olunmuşdur.2014-cü ildə Qax rayon Hərbi Kamisarlığından həqiqi hərbi xidmətə çağırılır.Hərbi xidmətini Xocavənd rayonun N saylı hərbi hissədə başa vuraraq 2016-cı ildə evlərinə qayıdır.Hərbi xidmətdən qayıtdıqdan sonra bir müddət özəl otellərin birində (El Resortda) mühafizəçi olaraq çalışır.2020-ci ilin sentyabr ayında İkinci Qarabağ Müharibəsi başlayanda Əfəndi əlinə silah götürərək Vətənin müdafiəsinə qalxır.Əfəndi cəbhədə igidliklə vuruşmuşdur.Döyüş yoldaşları onun düşmənə qarşı necə amansız və çox cəsur olduğundan danışardılar.Əfəndi Şuşa şəhəri uğrunda gedən döyüşlərdə 7 noyabr 2020-ci il tarixində qəhrəmancasına Şəhid olur.Şəhidimiz böyük izdihamla Qax şəhərində Şəhidlər Xiyabanında dəfn edilir.İkinci Qarabağ Müharibəsində göstərdiyi şücaətə görə ölümündən sonra Ali Baş Komandan cənab İlham Əliyevin Sərəncamı ilə "Vətən uğrunda" medalına layiq görülmüşdür.Əfəndi kimi oğullarımızın göstərdiyi şücaət bugün hər bir Azərbaycan gənci üçün nümunədir.Eşq olsun belə oğul yetişdirən Cahangir ataya və Gültəkin anaya.Ruhun şad olsun Şəhidim məkanın cənnətdir.Səninlə fəxr edirik ASLAN...
Düşmən hücumunun qarşısını alarkən döyüşdə Azərbaycan Ordusunun aşağıda adları çəkilən hərbi qulluqçuları da şəhid olublar:
-baş leytenant Asəf Ağayev
- polkovnik Mirzəyev İlqar Anzor oğlu;
- mayor Əhmədov Namiq Hajan oğlu;
- mayor Novruzov Anar Gülverdi oğlu;
- gizir Zeynallı İlqar Ayaz oğlu;
- gizir Babayev Yaşar Vasif oğlu;
- müddətdən artıq həqiqi hərbi xidmət hərbi qulluqçusu əsgər Mustafazadə Elçin Arif oğlu.
Müdafiə Nazirliyinin rəhbərliyi şəhid olan hərbi qulluqçularımızın ailələrinə dərin hüznlə başsağlığı verir və səbr diləyir. Allah rəhmət eləsin!
Döyüşlərdə yaralılar da var. Onlara dərhal tibbi müdaxilə edilib və həyatları üçün təhlükə yoxdur.
Düşmənin aktiv fəaliyyətinin qarşısının alınması məqsədilə görülən cəza tədbirləri nəticəsində ona məxsus müxtəlif təyinatlı hərbi texnika, döyüş vasitələri, komanda məntəqəsi, müdafiəsinin dərinliyindəki ehtiyatlar və yüzlərlə canlı qüvvəsi məhv edilib.
Hazırda bu istiqamətdə vəziyyət gərgin olaraq qalır, ağır döyüşlər gedir. Qarşı tərəf mülki əhalini və yaşayış məntəqələrimizi də atəşə tutur. Düşmənə qarşı həyata keçirilən cavab tədbirləri davam edir.
Əməliyyat şəraiti bölmələrimizin tam nəzarəti altındadır.
İşğal olunmuş torpaqlarımızın azad olunması uğrunda Azərbaycan Ordusunun apardığı gərgin döyüşlər davam edir.
Sentyabrın 27-dən bu gün səhər saatlarınadək düşmənin 2300 nəfərədək canlı qüvvəsi məhv edilib və yaralanıb, 130-dək tank və digər zirehli texnikası, 200-dən artıq artilleriya, yaylım atəşli raket sistemləri, minaatan, 25-dək hava hücumundan müdafiə vasitələri, 6 komanda-idarəetmə və komanda-müşahidə məntəqələri, 5 silah-sursat anbarı, 50-dək tankəleyhinə vasitələr, 55 ədəd avtomobil texnikası məhv edilib və sıradan çıxarılıb.
Dünən gedən döyüşlər ərzində Xocalı rayonunun Şuşakənd ərazisində düşmənin 1 S-300 zenit-raket qurğusu sıradan çıxarılıb.
İtirilmiş mövqeləri geri qaytarmaq üçün Madagiz istiqamətinə əlavə qüvvələr cəmləşdirən düşmən sentyabrın 30-u səhər saatlarından başlayaraq hücuma cəhd göstərib. Düşmənin bu fəaliyyətinin qarşısı alınır və onun müqavimətinin qırılması məqsədilə qoşunlarımız tərəfindən əks-həmlə əməliyyatı keçirilir.
Hazırda bütün cəbhə boyu hərbi əməliyyatlar davam edir.Torpaqlarımızın işğaldan azad edilməsi uğrunda Azərbaycan Ordusunun düşmənə qarşı apardığı döyüşlərdə əldə etdiyi uğurlar xalqımızda döyüş ruhunun yüksəlməsinə səbəb olub. Azərbaycan əsgərinin uğurundan ruhlanan on minlərlə həmvətənimiz Müdafiə Nazirliyinə müraciət edərək Ordumuzla birlikdə könüllü olaraq döyüşlərə qatılmaq istədiyini bildiriblər.
Müdafiə Nazirliyinin rəhbərliyi Azərbaycan əsgərinə mənəvi dəstək olduqlarına görə təşəkkür edir və döyüşlərə qoşulmaqla şəxsi heyətin yanında olmaq istəyən hər kəsə dərin minnətdarlığını çatdırır.
Bildiririk ki, könüllü döyüşlərə qatılmaq arzusunda olan döyüş və müharibə təcrübəsinə malik vətəndaşlarımız hərbi hissələrə deyil Səfərbərlik və Hərbi Xidmətə Çağırış üzrə Dövlət Xidmətinə müraciət etsinlər.
Qələbə bizimlədir! Vətən torpaqları işğaldan azad ediləcəkdir!
#qurbanovmedia #region34 #aboneol
6 сен 2024