Ən yaxşı mühafizə olunan prezidentlər - Baku TV 

Ən yaxşı mühafizə olunan prezidentlər - Baku TV
Prezidentlərin sevənləri olduğu kimi sevməyənləri də çoxdur. Elə bu səbəbdən liderlərin qorunması ölkə üçün böyük əhəmiyyət kəsb edir.
Görək dünyanın ən yaxşı mühafizə olunan liderləri arasında kimlərin adı var.
Türkiyə Prezidenti Rəcəb Tayyib Ərdoğan - Siyahımıza qardaş ölkənin prezidenti ilə başlayırıq. Dünyanın ən çox təhdidlərə məruz qaldığı iddia olunan Türkiyə lideri sözün əsl mənasında ətdən bir divarla qorunur. Ərdoğanın səyahətlərindən əvvəl gedəcəyi yerə 3 min mühafizə təhkim olunur. “Mercedes S 600” avtomobili ilə səyahət edən Türkiyə Prezidentini onlarla zirehli avtomobil müşayiət edir. Titanium və poladla örtülü bu maşın güllə keçirmir və partlayışlara dözümlüdür, kimyəvi hücumların da öhdəsindən gəlir. Çünki çöldəki havanı içəri sızdırmır.
Şimali Koreya lideri Kim Çen In
Diktatorun qorunması digər liderlərdən bir qədər fərqlidir. Çünki Kimin mühafizəçiləri yol boyunca avtomobilin yanı ilə qaçır. Ancaq təbii ki, hər şey bu qədər sadə deyil. 3 fərqli mühafizə sahəsindən ibarət olan bu sistem ordu sıralarından seçilən mühafizəçilərdən təşkil olunur. Seçilən şəxslər isə Kim Çen In ilə eyni boyda olmalıdır. Həmçinin onlar Şimali Koreya liderinin yeməyini və içkisini, eyni zamanda siqaretini də əvvəlcədən test edirlər.
Rusiya Prezidenti Vladimir Putin
90 avtomobildən ibarət korteci ilə diqqət çəkən Rusiya lideri dünyanın ən yaxşı mühafizə olunan prezidentlərindən biridir. Putinin səyahəti zamanı keçəcəyi bütün yollar bağlanır, parkinq edən bütün avtomobillər yığışdırılır. Qərargahının yanındakı bütün hündürmərtəbəli binaların damına isə snayperlər yerləşdirilir. Korteci isə səmadan polis helikopterləri izləyir.
Çin Xalq Respublikasının Prezidenti Si Cinpin
Təsəvvür edin ki, etdiyi bütün səyahətlərdə onu səmadan qırıcı təyyarələr müşayiət edir. Təyyarə ilə etdiyi səyahətlərində isə 8 qırıcı təyyarə onu izləyir. Təxminlərə görə, çinli lideri qoruyan 1 milyondan çox mühafizəçi var. Əyləşdiyi Çin istehsalı olan limuzin isə əlbəttə ki, güllə keçirmir və istənilən təzyiqə davamlıdır.
Böyük Britaniya və Şimali İrlandiya Birləşmiş Krallığının Kraliçası II Elizabet
Kraliçanın şöhrəti hər kəsə məlumdu. Elə buna görə də onun mühafizəsi mühüm əhəmiyyət kəsb edir. Elizabetin rəngarəng geyinməsi heç də dəblə bağlı deyil. Daha çox mühafizəçilərin onu izdihamın içərisində tez tapması üçündür. 185 nəfərdən ibarət əsas mühafizəçilər bir siqnalla bir andaca hər təhlükəyə hazır vəziyyətə gəlirlər. Maşını digər liderlər kimi mükəmməl qorunmaya sahib olmasa da, bu avtomobili özəl edən məhz elə Elizabetlə bağlıdır. Belə ki, bu avtomobil kraliçanın taxta çıxmasının 50-ci ilinə özəl olaraq istehsal edilib
Kanalın əsas məqsədi dünyada və ölkədə baş verən ən vacib və maraqlı xəbərləri azərbaycan və rus dillərində geniş auditoriyaya çatdırmaqdır.
Baku.Tv ölkədə və dünyada baş verən ən aktual və maraqlı hadisələr barədə operativ videosujetlər hazırlayaraq auditoriyaya təqdim edir.
Facebookda səhifəmiz:
/ www.baku.tv
/ __baku_tv__
baku.tv
Kanalda bütün müəllif hüquqları qorunur.
#BakuTv #Azerbaycan #trend