ΑΔΕΜ ΕΚΙΖ - Αγαπώ σε αγαπάς με
Αγαπώ σε αγαπάς με
νάζια τσάλουμια μ' ευτάς με
Θάρρεις είσαι εσύ η μάνα μ'
ντ' εποίκα σε, καταράς με
Εγώ θέλω να παίρω σε
σ' όσπιτ' νύφ' θέλ' να φέρω σε
Άμον παρχαρί μανουσάκ(τσιτσέκι)
πάντα σο χερ' να κρατώ σε
Τρανόν δουλεία έπαθα
εμ' έπαθα εμ' έμαθα
Περισσάν εποίκες με 'σύ
πουσμάνεψα ντ' εγεννέθα.
Εγώ θέλω να παίρω σε
σ' όσπιτ' νύφ' θέλ' να φέρω σε
Άμον παρχαρί μανουσάκ(τσιτσέκι)
πάντα σο χερ' να κρατώ σε
Ολ' εσένα αγαπούνε
για τ' εσένα τραγωδούνε
Το καβάλ και η κεμεντζέ
για τ' εσέν μοιρολογούνε
Εγώ θέλω να παίρω σε
σ' όσπιτ' νύφ' θέλ' να φέρω σε
Άμον παρχαρί μανουσάκ(τσιτσέκι)
πάντα σο χερ' να κρατώ σε
Χώρα χώρα μη στέκουμε
κάθα εις σ' έναν μερέαν
΄Ελα οι δύειν εντάμα
ας ευτάμ' έναν φωλέαν
Εγώ θέλω να παίρω σε
σ' όσπιτ' νύφ' θέλ' να φέρω σε
Άμον παρχαρί μανουσάκ(τσιτσέκι)
πάντα σο χερ' να κρατώ σε
23 сен 2024
