Қазақстандық таеквондошы Рита Бакишева Азия чемпионатында қола жүлдегер атанды.
Оңтүстік Кореяның Чхунчхон қаласында бүгін, 24 маусым күні басталған аламанды Бакишева екінші айналымнан бастады. 46 келінің өкілі кувейттік қарсыласынан 2:0 есебімен басым түсіп, жартылай финалға шықты. Өкінішке қарай, бұл кезеңде ол таиландтық қарсыласынан айласын асыра алған жоқ. Дегенмен жүлдегерлер қатарына ілікті.
Ал біріншіліктің алғашқы күнінде жарыс жолына шыққан өзге таеквондошыларымыз медальден тыс қалды. Әзірет Дүйсенбек (54 кг) бірінші кездесуін жеңгенімен, екінші айналымда иорданиялық таеквондошыға жол берді. Фариза Алдангорова (53 кг) мен Камила Аймұқашева (57 кг) алғашқы жекпе-жекте жеңіліс тапты.
Естеріңізге сала кетейік, сары құрлық біріншілігіне Қазақстаннан 12 спортшы аттанған.
23 июн 2022
