- Ўшанда бир ёшлар чамасида эдинг, кечаси билан истимада йиғлаб чиқдинг, бомдодни ўқидимда "ўнҳаёт" дан шаҳарга қараб сени кўтарганимча ялангаёқ "тахта - кўприк" гача югурлаб олиб келдим ( тахминан 5 - 6 километр) кўзларимда ёш билан ачангилани (бувим) уйларига олиб кирдим. - вой, келинг болам, нима бўлди тинчликми ❓ Хансираганимча: - ўғлим, ўғлим дейман холос, - вой, болани берингчи, вой ўлаай, истимаси борку. Дарров сени уйга олиб кириб кир совунни сувда кўпиклаб баданингни артдилар, бир пастда истиманг тушиб уйқуга кетдинг. Сени яхши кўраман болам. Дадам бу ҳикояни кўп айтардилар, бир куни сабабини сўрадим. - дадажон, шу ҳикояни кўп такрорлайсиз, мендан бирор камчилик ўтдими ❓ - болам, Аллоҳнинг гувоҳлигида айтаман, сендан минг марта розиман, фақат атрофимдаги тенгдошларимни кўплари оталари бемор бўлишса эътиборсиз бўлиб қараганларини миннат қилаётганларини кўп гувоҳи бўлдим ва бўлаяпман. Шунинг учун сен уларга насихат қилгин деган ишора ўлароқ айтаяпман, ҳамма оталар ва оналар болаларини жудаям севишган ва ардоқлаб катта қилишган, сен уларга айт, ота - она улғайган сари меҳр ва эътиборга зор бўлиб ёш боладай инжиқ бўла бошлайди, уларни эътиборсиз қолдирмасинлар, кўзларидан алам ёшларини оқизмасинлар, бир кун келиб улар ҳам ўтиб кетишади ва болалар ҳам кексайиб ота - оналарига бўлган муносабатлар ўзларига қайтади. Иложи бўлса шу сўзларимни анави интернетингдаям ёзиб қўй. Мана азизлар ўша ёзадиган кун бугун экан, мен ёздим, сиз ўқидингиз. Насихатга амал қилиш ёки қилмаслик ихтиёрингизда. Яхшилик бўлсин дея тарқатиб қўйсангиз Аллоҳ ажрингизни берсин ! Аллоҳ бу дунёдан ўтган ота - оналаримизни раҳматига олган бўлсин ! Борларини эса умрларини узоқ қилсин ! АМИЙН.
