Ай-бопем / Ai Bopem / Әй-әй бөпем by Sanim
Музыка:Б.Быхин
Сөзі:Сағи Жиенбаев
Әннің сөзі:
Әй-әй бөпем, әй бөпем,
Ән айтайын, бал бөпем,
Ән тыңдағың келсе егер,
Ән айтайын, жан көкем
Бөпем менің ай ма екен.
Шекер ме екен, бал ма екен.
Ойнақтап бір бәйгеден
Озып келер тай ма екен
Қайырмасы:
Әй-әй бөпем, әй бөпем,
Ұйықтадың ба, бал бөпем…
Алдағанға көнетін
Аңқау бөпе қайда екен.
Тас бұлақтар тауда екен,
Жас құрақтар сайда екен.
Көлбең-көлбең ұшатын
Көбелектер қайда екен
Қара қарға қарда екен,
Жапалақтар жарда екен,
Балпаң-балпаң басатын
Балапандар қайда екен.
Қайырмасы:
Әй-әй бөпем, әй бөпем,
Ұйықтадың ба, бал бөпем…
Алдағанға көнетін
Аңқау бөпе қайда екен.
18 сен 2024
