Элмирбек Иманалиев бул кайрылуу саптарында замандын жемкорлору, коррупцияга малынган аткаминерлерин, элдин ырыскысын кемирген чиновниктерин чымчып ырдаган. Саясатка барсам деген ою да болгон экен. Бул тууралуу акындын кызы маегинде да айткан. Төмөндө Айзуура Иманалиеванын Спутник агенттигине берген маегиндеги үзүндүнү сунуш кылабыз.
- Акыркы кезде саясатка баруу тууралуу да ою бар болчу дешет...
- Ооба, бул тууралуу да каза болордун алдында бир аз сүйлөшүп калдык эле. Ошол күнү үйгө элдин, өлкөнүн тагдырына, келечегине күйүп-бышып келди. Кайнатам да айылдан келген. Ал киши да ушундай нерселерди мыкты билип, талдай алат. Экөө аябай сүйлөштү. Арасында азыр айтууга болбой турган сөздөр да бар. Ошондо күйүп "ушу мен да саясатка барат окшойм, карап тура албай жатам" деп айткан. Артта калганыбызды, акыйкатсыздыкты чебелектеп айтып жатканын көрүп, баарыбыз эле оозубузду ачып атамды карап отуруп калганбыз. Биз да ал кишини ишенип колдоор элек. Анткени ал эли үчүн гана иштемек. Бирок ошол нерсеге жетпей калды.
27 сен 2024
