Муҳаммад Бекжонни 2000-йилнинг июнида ойналари қорайтирилган, “нам асфальт” рангли енгил “Форд” автомобилида ИИВ ертўласига олиб кетишади.
У Каримовдан китоб ёзишга буюртма олган журналист Олег Якубов учун интервью бериши керак эди.
Яп-янги кийимлар, ҳаммом ва икки ҳафталик дам олишдан сўнг, уни КГБ ёзувчисига рўпара қилишади.
Узоқ суҳбатдан сўнг ёзувчининг мақсадини билган Муҳаммад Бекжон:
"Мабодо менинг олдимга “Ўзбекистон қамоқхоналарида қийноқлар йўқ, ҳамма ёқ гуллаб-яшнаб ётибди, чет элликлар Ўзбекистон раҳбариятини кўролмай, бўҳтон ёғдиряпти” деб айтишимни истаб келган бўлсангиз, бекорга келибсиз...", дейди.
Якубов дафтар қаламини йиғиштиради.
Орадан кўп ўтмай, Олег Якубовнинг “Агония” (“Талваса”) деб номланган китоби чиқади.
Муҳаммад Бекжоннинг сўзларига кўра, бошидан охиригача бўҳтон билан тўлиб тошган бу китобга унинг интервьюси кирмаганди.
14 окт 2024