Саха киһитэ былыргыттан сайыҥҥы кэмҥэ үгүс битэмииннээх айылҕа маанылаах отун-маһын хомуйан, күүс-уох ылар, доруобуйатын бөҕөргөтөр🌱 Оту аска туттуу өбүгэ саҕаттан баарын бу кэнники кэмҥэ сөргүтэн, туһаныы ньымаларын дьонҥо-сэргэҕэ кэпсиир, үөрэтэр буоллулар.
От ыйын 12 күнүгэр «Алгыстаах ас» тэрээһинҥэ «Алгыс От» уһуйаанын үөрэнээччилэрэ Виктория Петрова уонна Ньургуйаана Хатылаева аска туһаныллар эмтээх оттор тустарынан бэйэлэрин билиилэрин-көрүүлэрин истээччилэри кытта үллэһиннилэр🥙
Саха киһитэ Ийэ айылҕа баайын-дуолун, күөх эйгэ күндү бэлэҕин таба туһанарга туһалаах сүбэлэртэн саҕалаан, аска-үөлгэ кутан, амтаны тупсарар оттор тустарынан кэпсээтилэр🌿 Күннээҕи олоххо кинилэри туһаннахха чөл туруктаах, чэгиэн доруобуйалаах буолуохха сөбүн бэлиэтээтилэр.
Эт, үүт, балык уонна утах көрүҥнэригэр оту туттуу уонна амтаны тупсарыы ньыма бэйэтэ туспа миэстэни ылар☝🏻 Кыргыттар оттон оҥоһуллубут үс араас утаҕынан күндүлээтилэр🫖 уонна «Аска туттуллар үүнээйилэр»🌿 диэн хас биирдии хаһаайкаҕа көмө- аккырыыкка оҥорбуттарын истээччилэргэ көрдөрдүлэр, онно дөлүһүөн уруһуйун Анастасия Потапова-Күндэли түһэрбит 📸
Истээччилэр үгүһү билэн, туһалаах кинигэ быыстапкатын көрөн астынан тарҕастылар 🤗
26 сен 2024