Алматыда үлкен трагедия. Айдың күннің аманында бес адам қаза тапты. Бүгін кешкі сағат беске қарай, Ақбұлақ ықшам ауданында үйден шығару туралы сот қаулысын орындау барысында осы үйдің 54 жастағы тұрғыны қарудан оқ жаудырған. Қазір оқиға орнында әріптесім Өмір Серікбекұлы. Өмір, қайғылы оқиғаның қалай басталғанын және не себеп болғанын алғашқы болжамдарға сүйеніп айтып берсең.
Жантүршігерлік оқиға Алатау ауданы Сыздықов көшесі 29-шы үйде болған. Үйден шығару туралы сот шешімін орындау кезінде осы үйдің 54 жастағы тұрғыны полицейлерге, сот орындаушыларына және төтенше жағдай департаментінің қызметкерлеріне оқ жаудырған. 5 адам оқиға орнында тіл тартпай кетті. Қазір қанды оқиға болған маңайды сары лентамен қоршап тастаған. Мұнда тәртіп сақшылары, жедел жәрдем қызметкерлері тұр. Ресми ақпарға сай күдікті ұсталып, қылмыстық іс қозғалған. Қазір сотқа дейінгі ьергеу амалдары басталыпты. Ал, қаза тапқан қызметкерлерден басқа зардап шеккендер туралы ақпар әзірге жоқ.
Бізді әлеуметтік желіде оқыңыздар:
RU-vid - / @informburo31kanal
Facebook - / informburo31
Instagram - / informburo31
Vkontakte - informburo31
TikTok - www.tiktok.com/@informburo31
WhatsApp Информбюро +7 777 331 31 31
#Алматы #атыс #Ақбұлақ #қайғылы_жағдай
19 сен 2021