Алматы облысы Жамбыл ауданының Беріктас ауылында толассыз жауған жаңбыр салдарынан көлбеу сел жүрді. Төтенше жағдайлар министрлігі таратқан ақпарат бойынша 15 аула аумағы мен 3 тұрғын үйді су басқан. Елді мекенде суды сору және лайдан тазарту, арық жүйелерін тереңдету жұмыстары жүргізіліп жатыр. Жағдай жіті бақылауға алынған. ТЖД, жергілікті атқарушы органдардың өкілдері апат аймағында жүр. Сонымен бірге әскери бөлімінің жеке құрамынан 100-ден астам адам, 11 мотопомпа мен 16 техника жұмылдырылған.
26 авг 2024
